എന്‍ ആര്‍ ഇ ജി നേതൃ സംഗമ യാത്രക്ക് വരവേല്‍പ്പ് നല്‍കി
മലപ്പുറം : വിവിധ ആവശ്യങ്ങളുന്നയിച്ച് എന്‍ ആര്‍ ഇ ജി വര്‍ക്കേഴ്‌സ് ഫെഡറേഷന്‍ (എഐടിയുസി) നേതൃത്വത്തില്‍ പര്യടനം നടത്തുന്ന നേതൃ സംഗമ യാത്രക്ക് ജില്ലയില്‍ ഉഷ്മളമായ വരവേല്‍പ്പ് നല്‍കി. പൊന്നാനിയിലെത്തിയ വടക്കന്‍ മേഖലാ ജാഥയെ തൊഴിലാളികളും പാര്‍ട്ടി- ട്രേഡ് യൂണിയന്‍ പ്രവര്‍ത്തകരും വരവേറ്റു. സംഗമ യോഗം സിപിഐ ജില്ലാ സെക്രട്ടറി പി. കെ കൃഷ്ണദാസ് ഉദ്ഘാടനം ചെയ്തു.
പി രാജന്‍ അധ്യക്ഷത വഹിച്ചു. ജാഥാ ക്യാപ്റ്റന്‍ ചെങ്ങര സുരേന്ദ്രന്‍, ജാഥാംഗങ്ങളായ അഡ്വ. എസ് വേണുഗോപാല്‍ , ടി എ അബ്ദുല്‍ കരീം, ബി രാജന്‍, പി. കെ കൃഷ്ണന്‍, പ്രമീള സുരേഷ്, എ ഐ ടി യു സി ജില്ലാ സെക്രട്ടറി എം എ റസാഖ്, ഫെഡറേഷന്‍ ജില്ലാ സെക്രട്ടറി ഷെരീഫ് പുഴക്കല്‍,പ്രസിഡന്റ് കരീം വാരിയത്ത്, എ കെ ജബ്ബാര്‍, പ്രബിത, സുഹറ എന്നിവർ സംസാരിച്ചു.