കർഷക സംഘടനകൾ 26 ന് ഭാരത് ബന്ദിന് ആഹ്വാനം ചെയ്തു.
ന്യൂഡൽഹി: കേന്ദ്രസർക്കാരിന്റെ വിവാദ കാർഷിക നിയമങ്ങൾ പിൻവലിക്കണമെന്നാവശ്യപ്പെട്ട് സമരം ചെയ്യുന്ന കർഷക സംഘടനകൾ 26 ന് ഭാരത് ബന്ദിന് ആഹ്വാനം ചെയ്തു. ഡൽഹി അതിർത്തിയിലെ പ്രക്ഷോഭം 26 ന് നാലു മാസം പൂർത്തിയാകും. കേന്ദ്രത്തിനെതിരായ പ്രക്ഷോഭം ശ്കതമാക്കുന്നതിന്റെ ഭാഗമായാണ് ബന്ദിന് ആഹ്വാനം ചെയ്തത്.
കാർഷിക നിയമങ്ങൾ പൂർണമായും പിൻവലിക്കും വരെ സമരമെന്നാണ് കർഷക സംഘടനകളുടെ നിലപാട്. കഴിഞ്ഞ വർഷം ഡിസംബർ എട്ടിനും കർഷക സംഘടനകൾ ഭാരത് ബന്ദിന് ആഹ്വാനം ചെയ്തിരുന്നു.