പട്ടാമ്പി സ്വദേശി ഖത്തറിൽ നിര്യാതനായി.

ദോഹ: കോവിഡ്​ ബാധിച്ച്​ ചികിൽസയിലായിരുന്ന പട്ടാമ്പി സ്വദേശി ഖത്തറിൽ നിര്യാതനായി. പട്ടാമ്പി വല്ലപ്പുഴ ഓവുങ്ങൽത്തോട് സ്വദേശി പത്തായംകുന്നത്ത് അസ്സൈനാർ എന്ന മാനുട്ടി (42) ആണ്​ മരിച്ചത്​. ഖത്തർ സ്വദേശിയുടെ വീട്ടിലെ ജീവനക്കാരനായിരുന്നു. 12 വർഷമായി ഖത്തറിൽ ഉണ്ട്​. ഹസം മിബൈരീക്​ ആശുപത്രിയിൽ ചികിൽസയിലായിരുന്നു. ഭാര്യ: ബുഷറ. മക്കള്‍: മുഹമ്മദ് ഷാനിബ്, ഫാത്തിമ സന. പിതാവ്: മുഹമ്മദ്. മാതാവ്: കുഞ്ഞാത്തു.

മൃതദേഹം നടപടിക്രമങ്ങൾ പൂർത്തിയാക്കി അബൂഹമൂറിലെ ഖബറിസ്ഥാനിൽ സംസ്​കരിച്ചു. ഖത്തർ ഇന്ത്യൻ സോഷ്യൽ ഫോറം സംസ്ഥാന ജനറൽ സെക്രട്ടറി അഹ്മദ് കടമേരി, സാമൂഹിക പ്രവർത്തകരായ ഖാലിദ്, അലി മുള്ളൂർക്കര എന്നിവർ നേതൃത്വം നൽകി.