യു കെ ഭാസി പ്രവര്‍ത്തകരെ മനസ്സിലാക്കിയ നേതാവ്
മലപ്പുറം : യു കെ ഭാസി പ്രവര്‍ത്തകരെ മനസ്സിലാക്കിയ നേതാവായിരുന്നുവെന്ന് കെ പി സി സി ജന. സെക്രട്ടറി ഇ മുഹമ്മദ് കുഞ്ഞി. മലപ്പുറം ഡി സി സി ഓഫീസില്‍ നടന്ന യു കെ ഭാസി അനുസ്മരണ യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ആവശ്യമായ സമയത്ത് യുക്തമായ തീരുമാനമെടുക്കുകയും അത് ഏത് പ്രതിസന്ധി ഘട്ടത്തിലാണെങ്കിലും നടപ്പിലാക്കുകയും ചെയ്ത അദ്ദേഹം കോണ്‍ഗ്രസ് പ്രവര്‍ത്തകര്‍ക്കെന്നും അഭിമാനമായിരുന്നുവെന്നും അദ്ദേഹം തുടര്‍ന്നു പറഞ്ഞു. ഡി സി സി പ്രസിഡന്റ് വി വി പ്രകാശ് അധ്യക്ഷത വഹിച്ചു.
യു കെ ഭാസി ഡി സി സി പ്രസിഡന്റായിരുന്ന സമയത്ത് അദ്ദേഹമെടുത്ത തീരുമാനങ്ങളെല്ലാം കോണ്‍ഗ്രസ് പ്രസ്ഥാനത്തിന് എന്നും ഗുണകരമായി ഭവിച്ചിട്ടുണ്ടെന്ന് ഡി സി സി പ്രസിഡന്റ് വി വി പ്രകാശ് പറഞ്ഞു. പെട്ടെന്ന് തീരുമാനങ്ങളെടുക്കാനും അത് നടപ്പിലാക്കാനുമുള്ള അദ്ദേഹത്തിന്റെ ആര്‍ജ്ജവം എന്നും കോണ്‍ഗ്രസ് പ്രസ്ഥാനത്തിന് ഗുണകരമായിരുന്നുവെന്നും വി വി പ്രകാശ് തുടര്‍ന്നു പറഞ്ഞു.
ആവശ്യമായ സമയത്ത് കോണ്‍ഗ്രസ് പ്രവര്‍ത്തകര്‍ പ്രതികരിക്കാന്‍ മടി കാണിക്കരുതെന്ന് യുഡിഎഫ് ജില്ലാ ചെയര്‍മാനും കെ പി സി സി സെക്രട്ടറിയുമായ പി ടി അജയ്‌മോഹന്‍ പറഞ്ഞു. അനുസ്മരണ യോഗത്തില്‍ പങ്കെടുത്ത് സംസാരിക്കുകയായിരുന്നു അദ്ദേഹം. പ്രതികരിക്കുന്ന കോണ്‍ഗ്രസ് നേതാക്കളെയും പ്രവര്‍ത്തകരെയും എതിരാളികള്‍ ഭയക്കുമെന്നും അവസരത്തിനായി കാത്തു നില്‍ക്കാത്ത പ്രതികരിക്കേണ്ട സമയത്ത് പ്രതികരിക്കുന്ന പ്രവര്‍ത്തകരും നേതാക്കളുമാണ് വളര്‍ന്നു വരേണ്ടതെന്നും അജയ് മോഹന്‍ പറഞ്ഞു.
മുന്‍ ഡി സി സി പ്രസിഡന്റ് യു അബൂബക്കര്‍, നേതാക്കളായ വീക്ഷണം മുഹമ്മദ്, കെ പി അബ്ദുല്‍മജീദ്, വല്ലാഞ്ചിറ ഷൗക്കത്തലി, സക്കീര്‍ പുല്ലാര സംസാരിച്ചു.