കോവിഡ് വാക്സിൻ, മാധ്യമ പ്രവർത്തകർക്കും, പ്രവാസികൾക്കും മുൻഗണന നൽകണം

തിരൂർ: കോവിഡ് വാക്സിൻ നൽകുന്നതിൽ മാധ്യമ പ്രവർത്തകർക്കും, പ്രവാസികൾക്കും മുൻഗണന നൽകണമെന്ന് നിയുക്ത എം.എൽ.എ കുറുക്കോളി മൊയ്തീൻ മുഖ്യമന്ത്രിയോട് ആവശ്യപ്പെട്ടു.ആരോഗ്യ പ്രവർത്തകർ, നിയമപാലകർ എന്നിവർക്ക് മുൻഗണന നൽകുന്നത് പോലെ തന്നെയാണ് മാധ്യമ പ്രവർത്തകരും. ഈ വലിയ പ്രതിസന്ധി സമയത്തും സമൂഹത്തിന് ബോധവൽക്കരണത്തിനും, വിവരങ്ങൾ അറിയിക്കുന്നതിലും മുൻ നിരയിൽ നിന്നും പ്രവർത്തിക്കുന്നവരാണ് മാധ്യമ പ്രവർത്തകർ.

നാട്ടിലെത്തി തിരിച്ച് പോകാൻ കഴിയാതെ കുടുങ്ങികിടക്കുന്ന നിരവധി പ്രവാസികളുണ്ട്. അനുമതി ലഭിച്ചാൽ ഉടൻ യാത്രതിരിക്കേണ്ടവരാണവർ. അവർക്ക് വാക്സിൻ ഉടൻ നൽകുന്നതിന് നടപടികൾ ഉണ്ടാവണമെന്ന് കുറുക്കോളി മൊയ്തീൻ മുഖ്യമന്ത്രിക്ക് നൽകിയ നിവേദനത്തിൽ ആവശ്യപ്പെട്ടു.