സിവില്‍ സ്റ്റേഷന്‍ ശുചീകരിച്ചു
മലപ്പുറം സിവില്‍ സ്റ്റേഷനില്‍ രോഗപ്രതിരോധ പ്രവര്‍ത്തനങ്ങളുടെ ഭാഗമായ ശുചീകരണപ്രവര്‍ത്തനങ്ങള്‍ നടത്തി. അസി. കലക്ടര്‍ സഫ്‌ന നസറുദ്ദീന്‍, ഹുസൂര്‍ ശിരസ്തദാര്‍ കെ. ദേവകി തുടങ്ങിയവര്‍ നേതൃത്വം നല്‍കി.
സിവില്‍ സ്റ്റേഷനിലെ വിവിധ ഓഫീസുകളിലെ ജീവനക്കാര്‍ ശുചീകരണത്തില്‍ പങ്കാളികളായി. പൂര്‍ണമായും കോവിഡ് മാനദണ്ഡങ്ങള്‍ പാലിച്ചായിരുന്നു ശുചീകരണം. എല്ലാ വെള്ളിയാഴ്ചകളിലും തൊഴിലിടങ്ങളിലും ശനിയാഴ്ചകളില്‍ പൊതുസ്ഥലങ്ങളിലും ഞായറാഴ്ചകളില്‍ വീടുകളിലും ഡ്രൈ ഡേ ആചരിക്കാന്‍ ആരോഗ്യവകുപ്പ് നിര്‍ദേശം നല്‍കിയിരുന്നു.