തൈ നടല്‍ ഓണ്‍ലൈന്‍ മത്സരം സംഘടിപ്പിച്ചു
മലപ്പുറം : പരിസ്ഥിതി ദിനാചരണത്തിന്റെ ഭാഗമായി കലാകാരന്‍മാരുടെ ഇന്റര്‍നാഷണല്‍ വാട്ട് സ്ആപ്പ് കൂട്ടായ്മയായ കനി യുടെ ആഭിമുഖ്യത്തില്‍ തൈ നടല്‍ ഓണ്‍ലൈന്‍ മത്സരം നടത്തി. കേരള സംസ്ഥാനത്തെ വിവിധ ജില്ലകളില്‍ നിന്നും പ്രവാസി സമൂഹത്തില്‍ നിന്നും ഒട്ടേറെ ആളുകള്‍ കുടുംബ സമേതം , പരിപാടിയില്‍ പങ്കെടുത്തു.
പരിപാടിക്ക് അനുഭാവം പ്രകടിപ്പിച്ച് കനി മെബർമാർ വീടുകളില്‍ തൈ നട്ടു.. ഭാവി തലമുറയില്‍ പ്രകൃതി സംരക്ഷണ ബോധം വളര്‍ത്തുവാന്‍ ,ഈ കോവി ഡ് പ്രതിസന്ധി കാലത്തെ , ഇത്തരത്തിലുള്ള ഓണ്‍ലൈന്‍ പരിപാടികള്‍ സഹായിക്കുമെന്ന് പരിപാടി ഉദ്ഘാടനം ചെയ്ത പരിസ്ഥിതി സ്‌നേഹി രാജേഷ് ആലപ്പുഴ അഭിപ്രായപ്പെട്ടു. കനി പ്രസിഡന്റ് കലാഭവന്‍ കമറുദ്ദീന്‍ അദ്ധ്യക്ഷത വഹിച്ചു, മറ്റു ഭാരവാഹികളായ കരീം അബുദാബി , നൗഷാദ് മാമ്പ്ര, ബീന ഷംസുദ്ദീന്‍, ഫൈസല്‍ ബാബു തറയില്‍ , ഉമാറാണി മഹാരാഷ്ട്ര, ഷംസാദ് ബീഗം പാലക്കാട്, റിഷാദ് മുഹമ്മദ് , കലാഭവന്‍ റാഫി ഇടവേള, പത്മശ്രീ എറണാകുളം എന്നിവര്‍ ഓണ്‍ലൈന്‍ പരിപാടികള്‍ക്ക്‌നേതൃത്വം നല്‍കി