ഡിസിസി സെന്ററിലേക്ക് വാട്ടര്‍ കൂളര്‍ കൈമാറി
വളാഞ്ചേരി: മുനിസിപ്പാലിറ്റിയുടെ കീഴില്‍ പ്രവര്‍ത്തിക്കുന്ന വീട്ടില്‍ ക്വാററ്റൈന്‍ സൗകര്യമില്ലാത്ത കോവിഡ് രോഗികളെ ചികിത്സിക്കുന്ന ഡിസിസി സെന്ററിലേക്ക് കുവൈത്തിലെ വളാഞ്ചേരി കാരുടെ പ്രാദേശിക സംഘടനയായ കുവൈറ്റ് ബ്രദേഴ്‌സ് ഓഫ് വളാഞ്ചേരി മിനറല്‍ വാട്ടര്‍ കൂളര്‍ കൈമാറി. പരിപാടിയുടെ ഉദ്ഘാടനം നഗരസഭ ചെയര്‍മാന്‍ അഷ്‌റഫ് അമ്പലത്തിങ്ങല്‍ നിര്‍വ്വഹിച്ചു.
കുവൈറ്റ് ബ്രദേഴ്‌സ് ഓഫ് വളാഞ്ചേരിയുടെ പ്രസിഡണ്ട് നാസര്‍ വളാഞ്ചേരിയില്‍ നിന്നും മുന്‍സിപ്പല്‍ ചെയര്‍മാന്‍ അഷ്‌റഫ് അമ്പലത്തിങ്ങല്‍ കൂളര്‍ ഏറ്റുവാങ്ങി.ചടങ്ങില്‍ വളാഞ്ചേരി വൈസ് ചെയര്‍പേഴ്‌സണ്‍ റംല,സംഘടനാ പ്രതിനിധികളായ ജയന്‍ കോട്ടീരി സുമേഷ് പാണ്ടികശാല അബു വളാഞ്ചേരി ,സാലിം ഉസ്മാന്‍,ധനീഷ് വൈക്കത്തൂര്‍,അനു വൈമി എന്നിവര്‍ പങ്കെടുത്തു.
