ഇ​ത​ര സം​സ്ഥാ​ന​ക്കാ​രാ​യ കു​ട്ടി​ക​ൾ​ക്ക്​ തിരൂരിൽ ക്രൂ​ര മ​ർ​ദ​നം

തിരൂർ: തിരൂർ തി​രു​നാ​വാ​യ​യി​ൽ ഇ​ത​ര സം​സ്ഥാ​ന​ക്കാ​രാ​യ കു​ട്ടി​ക​ൾ​ക്ക്​ ക്രൂ​ര മ​ർ​ദ​നം. ര​ണ്ടു​വ​യ​സ്സു​ള്ള ആ​ൺ​കു​ട്ടി​ക്കും മൂ​ന്ന​ര വ​യ​സ്സു​ള്ള പെ​ൺ​കു​ട്ടി​ക്കു​മാ​ണ്​ കൂ​ടെ താ​മ​സി​ക്കു​ന്ന​വ​രി​ൽ​നി​ന്ന്​ മ​ർ​ദ​​ന​മേ​റ്റ​ത്.

ജൂ​ലൈ​ 21ന്​ ​ചൈ​ൽ​ഡ്​ ലൈ​ൻ വ​ഴി​യാ​ണ്​ സം​ഭ​വം അ​ധി​കൃ​ത​ർ അ​റി​യു​ന്ന​ത്. ര​ണ്ട്​ വ​യ​സ്സു​ള്ള ആ​ൺ​കു​ട്ടി കൈ​യ്യിന്റേയും കാ​ലി​ന്റേ​യും എ​ല്ലു​ക​ൾ പൊ​ട്ടി കോ​ഴി​ക്കോ​ട്​ മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. മൂ​ന്ന​ര വ​യ​സ്സു​കാ​രി​യു​ടെ ശ​രീ​ര​ത്തി​ൽ പൊ​ള്ള​ലേ​റ്റ പാ​ടു​ക​ളു​ണ്ട്. കു​ട്ടി​ക​​ളു​ടെ കൂ​ടെ വാ​ട​ക ക്വാ​ർ​​ട്ടേ​ഴ്​​സി​ൽ താ​മ​സി​ക്കു​ന്ന സ്​​ത്രീ​യും പു​രു​ഷ​നും ഇ​വ​രു​ടെ മാ​താ​പി​താ​ക്ക​​ളില്ലെന്നാ​ണ്​ പ്രാ​ഥ​മി​ക വി​വ​രം.

ആ​ൺ​കു​ട്ടി​യെ ആ​ദ്യം തി​രൂ​ർ ജി​ല്ല ആ​ശു​പ​ത്രി​യി​ലാ​ണ്​ പ്ര​വേ​ശി​പ്പി​ച്ച​ത്​. പെ​ൺ​കു​ട്ടി​യെ ജി​ല്ല​യി​ലെ സു​ര​ക്ഷ​കേ​ന്ദ്ര​ത്തി​ൽ പാ​ർ​പ്പി​ച്ചി​രി​ക്കു​ക​യാ​ണ്. അ​വി​ടെ ന​ട​ത്തി​യ കൗ​ൺ​സ​ലി​ങ്ങി​ലാ​ണ്​ കൂ​ടെ താ​മ​സി​ക്കു​ന്ന​വ​ർ ഉ​പ​ദ്ര​വി​ച്ചെന്ന വി​വ​രം പു​റ​ത്ത​റി​ഞ്ഞ​ത്. സം​ഭ​വം സം​ബ​ന്ധി​ച്ച്​ 21ന്​ ​ത​ന്നെ ​ശി​ശു​ക്ഷേ​മ സ​മി​തി പൊ​ലീ​സി​ൽ അ​റി​യി​ച്ചി​രു​ന്നു. 27ന്​ ​പൊ​ലീ​സ്​ ന​ൽ​കി​യ റി​പ്പോ​ർ​ട്ടി​ൽ കു​ട്ടി ക​ളി​ച്ചു​കൊ​ണ്ടി​രി​ക്കെ ക്ലോ​സ​റ്റി​ൽ വീ​ണ്​ പ​രി​ക്ക്​ പ​റ്റി എ​ന്നാ​ണ്​​ പ​റ​യു​ന്ന​ത്​. പൊ​ലീ​സ്​ അ​ന്വേ​ഷ​ണം തൃ​പ്​​തി​ക​ര​മ​ല്ലാ​ത്ത​തി​നാ​ൽ പു​ന​ര​​ന്വേ​ഷ​ണം ആ​വ​ശ്യ​പ്പെ​ട്ട്​ ശി​ശു​ക്ഷേ​മ സ​മി​തി മേ​ഖ​ല ഡി.​ഐ.​ജി​ക്ക്​ പ​രാ​തി ന​ൽ​കി.