എ.ആർ. നഗർ ബാങ്ക് ഭരണസമിതി പിരിച്ചുവിടണം -സി.പി.എം.

വേങ്ങര : എ.ആർ.നഗർ സർവീസ് സഹകരണബാങ്കിന് മുൻപിൽ സി.പി.എം. എ.ആർ.നഗർ. ലോക്കൽ കമ്മിറ്റി ധർണ നടത്തി. ബാങ്കിലെ ക്രമക്കേടുകൾ അന്വേഷിക്കുക, കുറ്റകാർക്കെതിരേ നടപടി സ്വീകരിക്കുക, പുകയൂർ ശാഖയിൽ നാലരക്കോടിയുടെ സ്വർണ വായ്പാതട്ടിപ്പ് നടന്നതിന് മറുപടി നൽകുക തുടങ്ങിയ ആവശ്യങ്ങൾ ഉന്നയിച്ചായിരുന്നു ധർണ.

സി.പി.എം. ജില്ലാ സെക്രട്ടേറിയറ്റംഗം വേലായുധൻ വള്ളിക്കുന്ന് ഉദ്ഘാടനംചെയ്തു. അഹമ്മദ് പാറമ്മൽ അധ്യക്ഷത വഹിച്ചു. വി.പി. സോമസുന്ദരൻ, ടി. പ്രഭാകരൻ തുടങ്ങിയവർ പ്രസംഗിച്ചു.