നാട്ടിലെ താരങ്ങള്‍ക്ക് എം.എസ്.എഫിന്റെ ആദരം
മലപ്പുറം: ചട്ടിപ്പറമ്പ് ഈസ്റ്റ്കോഡൂരിലെ വിദ്യാര്‍ഥി പ്രതിഭകളെ എം.എസ്.എഫ്. അനുമോദിച്ചു. എസ്.എസ്.എല്‍.സി., പ്ലസ്ടു പരീക്ഷകളില്‍ ഉന്നത വിജയം നേടിയവരെ അനുമോദിക്കുന്നതിനായി ‘നാട്ടിലെ താരങ്ങള്‍ക്ക് എം.എസ്.എഫിന്റെ ആദരം’ എന്ന സന്ദേശത്തില്‍ സംഘടിപ്പിച്ച ചടങ്ങ് പഞ്ചായത്ത് പ്രസിഡന്റ് റാബിയ ചോലക്കല്‍ ഉദ്ഘാടനം ചെയ്തു.
ബ്ലോക്ക് പഞ്ചായത്ത് വൈസ് പ്രസിഡന്റ് റജുല പെലത്തൊടി മുഖ്യപ്രഭാഷണം നിര്‍വഹിച്ചു.ചടങ്ങില്‍ മുസ് ലിംലീഗ് വാര്‍ഡ് പ്രസിഡന്റ് ഷാജു പെലത്തൊടി അധ്യക്ഷത വഹിച്ചു.മുസ് ലിംലീഗ് ഭാരവാഹികളായ പുളിക്കല്‍ അബൂബക്കര്‍, സലീം പുളിക്കല്‍, പി.ടി. അനീസ്, എം.എസ്.എഫ്. ഭാരവാഹികളായ പി.കെ. ഇഹ്‌സാന്‍, കെ.ടി. മുഹമ്മദ് നിഷ്മല്‍, പി.ടി. അര്‍ഷദ് ഷാന്‍, കെ.ടി. ഷാമില്‍ തുടങ്ങിയവര്‍ സംസാരിച്ചു.വിദ്യാര്‍ഥി പ്രതിഭകള്‍ക്ക് ഉപഹാരങ്ങളും മധുരപലഹാരങ്ങളും വിതരണം ചെയ്തു.