കോവിഡ് ഓണത്തിരക്ക്; ഫലം ഒരാഴ്ചയ്ക്കുള്ളിൽ അറിയാമെന്ന് ആരോഗ്യവിദഗ്ദ്ധർ

തിരുവനന്തപുരം: കൊവിഡ് നിയന്ത്രണങ്ങളിൽ ഇളവ് നൽകിയതോടെ ഓണത്തിന് ജനം തിക്കിത്തിരക്കിയതിന്റെ ഫലം ഒരാഴ്ചയ്ക്കുള്ളിൽ അറിയാമെന്ന് ആരോഗ്യവിദഗ്ദ്ധർ പറയുന്നു. രോഗവ്യാപനം രൂക്ഷമാവുകയാണ്. തിരുവോണദിവസം ടി.പി.ആർ 17ശതമാനം കടന്നത് ഇതിന്റെ വ്യക്തമായ സൂചനയാണ്. ഓണത്തിന്റെ ഭാഗമായുള്ള വ്യാപനം ഈ മാസം 17 മുതൽ ഉണ്ടായെന്നാണ് കണക്കുകൂട്ടൽ. അതിനാൽ 27ഓടെ രോഗികളുടെ എണ്ണം കുത്തനെ ഉയരും. രോഗവ്യാപനം രൂക്ഷമായാൽ ഒക്ടോബറോടെ നാലു ലക്ഷത്തിനടുത്ത് രോഗികളുണ്ടാകുന്ന സാഹചര്യം ആരോഗ്യവകുപ്പ് പ്രതീക്ഷിക്കുന്നു. ഓണവിപണിയിലെ തിരക്കും വീടുകളിലെ ഒത്തുചേരലും അതിവ്യാപനത്തിന് കാരണമാകുമെന്നാണ് വിലയിരുത്തൽ. കൊവിഡ് മാനദണ്ഡങ്ങൾ ലംഘിച്ച് ചില ജില്ലകളിലെ ആരാധനാലയങ്ങളിൽ ആളുകൾ കൂട്ടത്തോടെ എത്തിയെന്ന് പൊലീസിന്റെ റിപ്പോർട്ടുണ്ട്.

കൊവിഡ് ബാധിച്ച് ആശുപത്രികളിലെത്തുന്നവരുടെ എണ്ണത്തിലും വർദ്ധനയുണ്ട്. ഇത് തുടർന്നാൽ ആഴ്ചകൾക്കുള്ളിൽ കൊവിഡ് ചികിത്സാകേന്ദ്രങ്ങൾ വീണ്ടും മുൾമുനയിലാകും. ഗുരുതരാവസ്ഥയിലുള്ള രോഗികളുടെ എണ്ണവും കൂടുകയാണ്. സർക്കാർ, സ്വകാര്യ ആശുപത്രികളിലെ ഐ.സി.യു, വെന്റിലേറ്റർ, ഓക്‌സിജൻ ലഭ്യതയുള്ള കിടക്കകൾ എന്നിവ പകുതിയിലധികവും നിറഞ്ഞു കഴിഞ്ഞു. നിലവിൽ ചികിത്സയിലുള്ള രോഗികളുടെ എണ്ണം 1.68 ലക്ഷമാണ്.

ഐ.സി.യു കിടക്കകൾ

ആകെ- 7777

രോഗികൾ – 4657

ബാക്കിയുള്ളത്- 3120

വെന്റിലേറ്റർ

ആകെ- 2645

രോഗികൾ- 1683

ബാക്കിയുള്ളത്- 962

ഓക്‌സിജൻ ലഭ്യതയുള്ള

കിടക്കകൾ

ആകെ- 24321

രോഗികൾ- 13444

ബാക്കിയുള്ളത്- 10877

5.76% നിന്ന് 16.41ലേക്ക്

കഴിഞ്ഞ വർഷം ആഗസ്റ്റ് 22ന് 5.76 ശതമാനമായിരുന്നു സംസ്ഥാനത്തെ ടി.പി.ആർ. ഇന്നലെ 16.41. കഴിഞ്ഞവർഷം 22ന് 2172 കേസുകളാണ് റിപ്പോർട്ട് ചെയ്തത്. 19,538 പേരായിരുന്നു ചികിത്സയിൽ. ഇന്നലെ 10,402 കേസുകൾ റിപ്പോർട്ട് ചെയ്തപ്പോൾ 1,63,212 പേരാണ് ചികിത്സയിലുള്ളത്.

ഇ​ന്ന​ലെ​ 10,402​ ​രോ​ഗി​ക​ൾ,​ ​ടി.​പി.​ആ​ർ​ 16.41%

തി​രു​വ​ന​ന്ത​പു​രം​:​ ​സം​സ്ഥാ​ന​ത്ത് ​ഇ​ന്ന​ലെ​ 10,402​ ​പേ​ർ​ക്ക് ​കൊ​വി​ഡ് ​സ്ഥി​രീ​ക​രി​ച്ചു.​ ​ടി.​പി.​ആ​ർ​ 16.41​ ​ശ​ത​മാ​നം.​ 24​ ​മ​ണി​ക്കൂ​റി​നി​ടെ​ 63,406​ ​സാ​മ്പി​ളു​ക​ൾ​ ​പ​രി​ശോ​ധി​ച്ചു.​ 66​ ​മ​ര​ണ​ങ്ങ​ൾ​ ​റി​പ്പോ​ർ​ട്ട് ​ചെ​യ്തു.​ ​ഇ​തോ​ടെ​ ​ആ​കെ​ ​മ​ര​ണം​ 19,494​ ​ആ​യി.​ ​ഇ​ന്ന​ലെ​ ​രോ​ഗം​ ​സ്ഥി​രീ​ക​രി​ച്ച​വ​രി​ൽ​ 9674​ ​പേ​ർ​ ​സ​മ്പ​ർ​ക്ക​രോ​ഗി​ക​ളാ​ണ്.​ 572​ ​പേ​രു​ടെ​ ​ഉ​റ​വി​ടം​ ​വ്യ​ക്ത​മ​ല്ല.​ 104​ ​പേ​രാ​ണ് ​സം​സ്ഥാ​ന​ത്തി​ന് ​പു​റ​ത്തു​നി​ന്നും​ ​വ​ന്ന​വ​ർ. 52​ ​ആ​രോ​ഗ്യ​ ​പ്ര​വ​ർ​ത്ത​ക​രും​ ​രോ​ഗ​ബാ​ധി​ത​രാ​യി.​ ​ചി​കി​ത്സ​യി​ലാ​യി​രു​ന്ന​ 25,586​ ​പേ​ർ​ ​രോ​ഗ​മു​ക്തി​ ​നേ​ടി.

മ​ല​പ്പു​റം​ 1577,​ ​കോ​ഴി​ക്കോ​ട് 1376,​ ​പാ​ല​ക്കാ​ട് 1133,​ ​എ​റ​ണാ​കു​ളം​ 1101,​ ​തൃ​ശൂ​ർ​ 1007,​ ​ക​ണ്ണൂ​ർ​ 778,​ ​കൊ​ല്ലം​ 766,​ ​ആ​ല​പ്പു​ഴ​ 644,​ ​തി​രു​വ​ന​ന്ത​പു​രം​ 484,​ ​കോ​ട്ട​യം​ 415,​ ​പ​ത്ത​നം​തി​ട്ട​ 338,​ ​ഇ​ടു​ക്കി​ 275,​ ​വ​യ​നാ​ട് 265,​ ​കാ​സ​ർ​കോ​ട് 243.