കൊടിമരം നശിപ്പിച്ച സംഭവം; തിരൂർ പോലീസ് സർവ്വകക്ഷിയോഗം വിളിച്ചു

തിരൂർ : തെക്കൻ കുറ്റൂർ,മൃഗാശുപത്രിക്ക് സമീപം സിപിഎ സ്ഥാപിച്ച കൊടിമരവും സ്തൂപവും നശിപ്പിച്ച സംഭവത്തിൽ തിരൂർ പോലീസിന്റെ നേതൃത്വത്തിൽ സർവ്വക്ഷിയോഗം വിളിച്ചുചേർത്തു.

അഡീഷണൽ എസ്.ഐ മാരായ മോഹൻദാസ്,ഹരിദാസ് എന്നിവരുടെ നേതൃത്വത്തിൽ പോലീസ്സ്റ്റേഷനിലാണ് സർവ്വകക്ഷിയോഗം ചേർന്നത്.വിവിധരാഷ്ട്രീയ പാർട്ടി പ്രതിനിധികളായ വി.നന്ദൻ,എ.പി രാജു,മോഹനകൃഷ്ണൻ,അജിത്ത് ആളൂർ,ബീരാൻ,അബ്ദുൾറഹിമാൻ കളപ്പാട്ടിൽ,ആർ.ജി ദിവാകരൻ,ആലിയാമുട്ടി,സലാം ആയപ്പള്ളി എന്നിവർ പങ്കെടുത്തു.കൊടിമരം പുനസ്ഥാപിക്കാനും പ്രതികൾക്കെതിരെ നടപടിയെടുക്കാനും യോഗം തീരുമാനിച്ചു.