ശ്രീകൃഷ്ണ ജയന്തി ദിനത്തിൽ ഫേസ്ബുക്കിൽ അപകീർത്തി പോസ്റ്റ്; മംഗലം സ്വദേശി അറസ്റ്റിൽ

തിരൂർ: ശ്രീകൃഷ്ണ ജയന്തി ദിനത്തിൽ ഫേസ്ബുക്കിൽ അപകീർത്തികരമായ പോസ്റ്റിട്ട സംഭവത്തിൽ മംഗലം വാളമരുതൂർ സ്വദേശി അറസ്റ്റിൽ. മാത്തൂർ വളപ്പിൽ യൂസഫിനെയാണ് തിരൂർ പോലീസ് അറസ്റ്റ് ചെയ്തത്.

ശ്രീകൃഷ്ണനു പകരം മയിൽപീലി ചൂടിയ ഡിങ്കന്റെ ഫോട്ടോക്കൊപ്പം ഡിങ്ക ജയന്തി ആശംസകൾ എന്ന പേരിലായിരുന്നു ഇയാൾ ഫേസ്ബുക്കിൽ പോസ്റ്റ് ഇട്ടത്. തുടർന്ന് പോസ്റ്റിനു താഴെ ഇതിനെ എതിർത്ത് നിരവധിപേർ കമന്റ് മായി വന്നെങ്കിലും ഇയാൾ പോസ്റ്റ് പിൻവലിക്കാൻ തയ്യാറായിരുന്നില്ല. തുടർന്ന് ലഭിച്ച പരാതിയിലാണ് തിരൂർ പോലീസ് ഇയാളെ കസ്റ്റഡിയിലെടുത്തത്.