ടിക്കറ്റെടുക്കാത്തതിന് ഇറക്കിവിട്ട ദേഷ്യത്തിന് കെ എസ് ആർ ടി സി ബസിന് കല്ലെറിഞ്ഞ പ്രതിയെ പിടികൂടി

കൽപകഞ്ചേരി: പുത്തനത്താണിയിൽ ടിക്കറ്റെടുക്കാത്തതിന് ഇറക്കിവിട്ട ദേഷ്യത്തിന് കെ എസ് ആർ ടി സി ബസിന് കല്ലെറിഞ്ഞ പ്രതിയെ കല്ലിങ്ങൽ അങ്ങാടിയിൽ നിന്നും കൽപകഞ്ചേരി പൊലീസ് അറസ്റ്റ് ചെയ്തു.കൽപകഞ്ചേരി കല്ലിങ്ങൽ മണ്ണാരത്തൊടി റാഫി (30)യെയാണ് അറസ്റ്റ് ചെയ്തത്. കഴിഞ്ഞ ജൂലൈ 2 ന് രാത്രി 11.30 മണിക്കാണ് അക്രമം നടത്തിയത്.

കല്ലേറിൽ കണ്ടക്ടർക്ക് പരിക്കേൽക്കുകയും, ബസിന്റെ ഗ്ലാസ് തകർക്കുകയും ചെയ്തിരുന്നു. സംഭവത്തിൽ സിസിടിവി ദൃശ്യത്തിൽ നിന്നുമാണ് പ്രതിയെ തിരിച്ചറിഞ്ഞത്.സംഭവത്തിന് ശേഷം പ്രതി മുങ്ങി നടക്കുകയായിരുന്നു. തിരൂർ കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.