സംസ്ഥാന അധ്യാപക അവാര്‍ഡ് ജേതാവിന് സ്വീകരണം
മലപ്പുറം : കനി കലാ കൂട്ടായ്മയ ഈ വര്‍ഷത്തെ സംസ്ഥാന അധ്യാപക അവാര്‍ഡ് ജേതാവ് ബിജു മാത്യുവിനെ ആദരിച്ചു. ജി.എം.യു.പി. സ്‌കൂള്‍ മേല്‍ മുറിയിലെ ശാസ്ത്രാധ്യാപകനാണ് ബിജു മാത്യു. നിരവധി ശാസ്ത്ര പരിപോഷണ പരിപാടികള്‍ സംസ്ഥാന തലത്തില്‍ ഏറ്റെടുത്തു നടത്തി എന്നതിനാലാണ് അവാര്‍ഡ് ലഭിച്ചത്.
അദേഹത്തിന്റെ വീട്ടില്‍ വെച്ച് നടന്ന ചടങ്ങില്‍ മലപ്പുറം മുന്‍സിപ്പല്‍ കൗ ണ്‍സിലര്‍ സബീര്‍ പി.എസ്.എ പൊന്നാട അണിയിച്ചു. കനി സെക്രട്ടറി കമറുദ്ദീന്‍ കലാഭവന്‍ ഉപഹാരം നല്‍കി. കനി പ്രസിഡന്റ് നൗഷാദ് മാമ്പ്ര, ജുബീന എന്നിവര്‍ പ്രസംഗിച്ചു.