മാരക മയക്കുമരുന്നുമായി യുവാവിനെ കുറ്റിപ്പുറം എക്സൈസ് പിടികൂടി

കോട്ടക്കൽ: എ.ഡി.എം.എയും നാല് കിലോയോളം കഞ്ചാവുമായി യുവാവിനെ കുറ്റിപ്പുറം എക്സൈസ് പിടികൂടി. കാടാമ്പുഴ കൂട്ടാടമ്മൽ സ്വദേശി പുല്ലാട്ട് വീട്ടിൽ മുഹമ്മദ് ഷഫീഖാണ് (25)അറസ്റ്റിലായത്. കോട്ടക്കലിലെ സ്വകാര്യ ലോഡ്ജിൽ നിന്നും 80 ഗ്രാം എ.ഡി.എം.എയും തലകാപ്പിലെ ബന്ധുവീട്ടിൽ ഒളിപ്പിച്ചു വച്ചിരുന്ന 3.900 ഗ്രാം കഞ്ചാവും കണ്ടെടുത്തു.

കുറ്റിപ്പുറം എക്സൈസ് ഇൻസ്പെക്ടർ എം.സജീഷ് കുമാർ, പ്രിവൻ്റീവ് ഓഫീസർ യു.കുഞ്ഞാലൻകുട്ടി, മുസ്തഫ ചോലയിൽ, പ്രജോഷ്, മുഹമ്മദ് അലി, സി.ഇ.ഒമാരായ ലെനിൻ, ഷിഹാബ് എന്നിവരുടെ നേതൃത്വത്തിലായിരുന്നു പരിശോധന.