റോഡ് സുരക്ഷ കണ്ണാടി സ്ഥാപിച്ചു
മലപ്പുറം : റോഡ് ആക്‌സിഡന്റ് ആക്്ഷന്‍ ഫോറം മലപ്പുറം മേഖലാ കമ്മിറ്റിയുടെ നേതൃത്വത്തില്‍ മലപ്പുറം കേന്ദ്രീയ വിദ്യാലയത്തിന് സമീപമുള്ള ബൈപാസ് ജംഗ്ഷനില്‍ പെര്‍ഫെക്ട് ബഡ്ഡ് കമ്പനിയുടെ സഹകരണത്തോടെ വാഹന ഗതാഗതത്തിന് സൗകര്യമാകുന്ന വിധത്തില്‍ കോണ്‍കെവ് മിറര്‍ സ്ഥാപിച്ചു. മുനിസിപ്പല്‍ കൗണ്‍സിലര്‍ കെ പി എ ശരീഫിന്റെ അധ്യക്ഷതയില്‍ നടന്ന യോഗത്തില്‍ മലപ്പുറം സബ് ഇന്‍സ്‌പെക്ടര്‍ അമീറലി വി മിറര്‍ അനാഛാദനം ചെയ്തു.
ഗതാഗത തിരക്കേറിയ ജംഗ്ഷനുകളില്‍ ഇത്തരം കോണ്‍കെവ് മിറര്‍ സ്ഥാപിക്കുന്നത് അപകടതോത് കുറക്കുമെന്ന് അദ്ദേഹം അഭിപ്രായപ്പെട്ടു. റാഫ് മലപ്പുറം മേഖല ജന. സെക്രട്ടറി നൗഷാദ് മാമ്പ്ര, മറ്റു ഭാരവാഹികളായ പാലോളി അബ്ദുറഹിമാന്‍, സലാം പെര്‍ഫെക്ട്, എ കെ ജയന്‍, ജുബീന സാദത്ത്, ബുഷ്‌റ പന്തല്ലൂര്‍, അബ്ദുറഹിമാന്‍, നൗഫല്‍ വരിക്കോടന്‍, വഹദ് പാങ്ങാട്ട് എന്നിവര്‍ നേതൃത്വംനല്‍കി.