ബൈക്കപകടത്തില്‍ എടരിക്കോട്ടെ പച്ചക്കറി വില്‍പ്പനക്കാരനായ 19കാരന്‍ മരിച്ചു
എടരിക്കോട്: ബൈക്കപകടത്തില്‍ മലപ്പുറം എടരിക്കോട്ടെ പച്ചക്കറി വില്‍പ്പനക്കാരനായ 19കാരന്‍ മരിച്ചു. തൃശ്ശൂര്‍ കുന്നുകളത്തിനുത്ത് വെച്ച് നടന്ന ബൈക്ക് അപകടത്തിലാണ് മുടവങ്ങാടന്‍ മുസ്ഥഫ യുടെ മകന്‍ മുഹമ്മദ് ഫഹദ് (19) മരണപ്പെട്ടത്..
എടരിക്കോട് പച്ചക്കറി വില്‍പ്പനക്കാരനായിരുന്നു ഫഹദ്. കൂട്ടുകാരന്‍ കൂത്തു മാടന്‍ ഫായിസു മൊത്ത് മൂന്നാറിലേക്ക് വിനോദയാത്ര പോയി മടങ്ങി വരുമ്പോഴാണ് അപകടമുണ്ടായത്. പരിക്കേറ്റ ഫായിസ് തൃശ്ശൂര്‍ ചികിത്സയിലാണ്. എടരിക്കോട് പഞ്ചായത്ത് പതിമൂന്നാം വാര്‍ഡ് എം.എസ്.എഫ്. പ്രസിഡണ്ടാണ് ഫഹദ്. മാതാവ്: ഫൗസിയ സഹോദരങ്ങള്‍: മാഷിദ, മുഹമ്മദ് ഫാദില്‍