ഷുക്കൂര്‍ വരിക്കോടന് ഐ.കെ.ടി യുടെ ആദരം
ചെറുകുളമ്പ: നീറ്റ് അഖിലേന്ത്യാ മെഡിക്കല്‍ എന്‍ട്രന്‍സില്‍ 111-ാം റാങ്കും, കീമില്‍ എട്ടാം റാങ്കും, മലപ്പുറം ജില്ലയില്‍ രണ്ടാം സ്ഥാനവും കരസ്ഥമാക്കിയ ചെറുകുളമ്പ ഐ.കെ.ടി. എച്ച്.എസ് എസിലെ പൂര്‍വ്വവിദ്യാത്ഥിയായ ഷുക്കൂര്‍ വരിക്കോടനുള്ള സ്‌കൂളിന്റെ ഉപഹാരം മലപ്പുറം ജില്ലാ മെഡിക്കല്‍ ഓഫീസര്‍ ആര്‍. രേണുക സമ്മാനിച്ചു.
ചടങ്ങില്‍ സ്‌കൂള്‍ പി.ടി.എ പ്രസിഡണ്ട് വി. പി ഷാജി അധ്യക്ഷത വഹിച്ചു. പ്രിന്‍സിപ്പാള്‍ പി. സതീഷ് ബാബു, അധ്യാപകരായ കെ. ഇ. ഷബീര്‍, കെ. അസീസ്, കെ. മുഹമ്മദ് ബഷീര്‍, വി. മരക്കാര്‍ എന്നിവര്‍ സംസാരിക്കുകയും ചെയ്തു. ചടങ്ങിന് ശേഷം ഷുക്കൂര്‍ വിദ്യാര്‍ത്ഥികളുമായി സംവദിച്ചു.