കൊലപാതക കേസിലെ പ്രതിയെ കല്പകഞ്ചേരി പോലീസ് പിടികൂടി
കല്പകഞ്ചേരി : യുവാവിനെ ഇരുമ്പുപൈപ്പുകൊണ്ട് തലയ്ക്കടിച്ച് കൊലപ്പെടുത്താൻ ശ്രമിച്ച കേസിലെ പ്രതിയെ കല്പകഞ്ചേരി പോലീസ് പിടികൂടി. രണ്ടത്താണി കാലൊടി ഷമീർ (40) ആണ് പിടിയിലായത്.
പുത്തനത്താണി അതിരുമടയിൽ അതിരുമട സ്വദേശിയായ അർഷാദിനെയാണ് ഷെമീർ വഴിയിൽ തടഞ്ഞുവെച്ച് അടിച്ചുപരിക്കേൽപ്പിച്ചത്.
27-ന് വൈകുന്നേരം ആറിനാണ് കേസിനാസ്‌പദമായ സംഭവം. കൽപ്പകഞ്ചേരി പോലീസ് ഇൻസ്‌പെക്ടർ പി.കെ. ദാസിന്റെ നേതൃത്വത്തിൽ അറസ്റ്റുചെയ്ത പ്രതിയെ കോടതിയിൽ ഹാജരാക്കി റിമാൻഡ്ചെയ്തു.