തിരൂരില്‍ സഹോദരന്റെ ഭാര്യ കുളിക്കുന്നതും വസ്ത്രം മാറുന്നതും മൊബൈല്‍ ഫോണില്‍ പകര്‍ത്തിയ യുവാവ് ഭീഷണിപ്പെടുത്തി പീഡിപ്പിച്ചു
മഞ്ചേരി: വീട്ടമ്മയെ ഭീഷണിപ്പെടുത്തി ബലാല്‍സംഗം ചെയ്തുവെന്ന കേസില്‍ ഒളിവില്‍ കഴിയുന്ന ഭര്‍തൃസഹോദരന്റെ ജാമ്യാപേക്ഷ മഞ്ചേരി ജില്ലാ സെഷന്‍സ് കോടതി തള്ളി. തിരൂര്‍ തൃപ്രങ്ങോട് ആലത്തിയൂര്‍ സ്വദേശിയായ 35കാരന്റെ ജാമ്യാപേക്ഷയാണ് ജഡ്ജി എസ് മുരളീകൃഷ്ണ തള്ളിയത്. 2020 നവംബര്‍ മാസത്തിലാണ് സംഭവം. യുവതി കുളിക്കുന്നതും വസ്ത്രം മാറുന്നതും മൊബൈല്‍ഫോണില്‍ പകര്‍ത്തിയ യുവാവ് കുഞ്ഞിനു നേരെ കത്തിചൂണ്ടി കൊല്ലുമെന്ന് ഭീഷണിപ്പെടുത്തി ബലാല്‍സംഗം ചെയ്തുവെന്നാണ് കേസ്.
ഫോട്ടോകള്‍ കാണിച്ച് വീണ്ടും ഭീഷണി തുടര്‍ന്നതിനാല്‍ യുവതി 2021 സെപ്തംബര്‍ 21ന് തിരൂര്‍ സി ഐക്ക് പരാതി നല്‍കി. നടപടിയില്ലാത്തതിനെ തുടര്‍ന്ന് ജില്ലാ പൊലീസ് മേധാവിക്ക് പരാതി നല്‍കി. എന്നാല്‍ തുടര്‍ന്നും പൊലീസ് അനാസ്ഥ കാണിച്ചതിനാല്‍ യുവതി തിരൂര്‍ ജെഎഫ്‌സിഎം കോടതി (ഒന്ന്)യെ സമീപിക്കുകയായിരുന്നു. കോടതി നിര്‍ദ്ദേശമനുസരിച്ചാണ് പൊലീസ് കേസ് രജിസ്റ്റര്‍ ചെയ്തത്.