ടി.എം.ജി കോളേജ് അറബിക് കാലിഗ്രഫി ശിൽപശാല തുടങ്ങി

തിരൂർ: ടി എം.ജി കോളേജ് അറബിക് പി.ജി. ഗവേഷണ വിഭാഗത്തിന്റെ റൂബി ജൂബിലിയുടെ ഭാഗമായി ഏകദിന അറബിക് കാലിഗ്രഫി ശിൽപശാല സംഘടിപ്പിച്ചു കോളജ് പ്രിൻസിപ്പൽ ഡോ.എം.എസ്. അജിത്ത് ഉദ്ഘാടനം ചെയ്തു. അറബിക് റിസർച്ച് വിഭാഗം മേധാവി ഡോ. സൈനുദ്ധീൻ പി.ടി അധ്യക്ഷത വഹിച്ചു.

പ്രമുഖ കലാകാരൻ റസ്സാം സലീം ശിൽപശാലക്ക് നേതൃത്വം നൽകി. ചടങ്ങിൽ അറബിക് വിഭാഗം അധ്യാപകരായ ഡോ. അബ്ദുൽ ജലീൽ, ഡോ ജാഫർ സാദിഖ്, പ്രൊഫ. അഹ്മദ് കുട്ടി, ഡോ. എ മുഹമ്മദ്, മുൻ അധ്യാപകൻ ഡോ. വി.ടി അബ്ദുല്ലക്കോയ തങ്ങൾ എന്നിവർ സംബന്ധിച്ചു. ഡോ. ജാബിർ ഹുദവി സ്വാഗതവും പ്രൊഫ. ശാഫി.ടി. നന്ദിയും പറഞ്ഞു.