ശ്രീനാരായണ ഗുരുവിനെ അവഹേളിച്ചതില്‍ എ ഐ വൈ എഫ് പ്രതിഷേധം
മലപ്പുറം : ശ്രീനാരായണ ഗുരുവിനെ അവഹേളിച്ച കേന്ദ്ര സര്‍ക്കാറിനെതിരെ എ ഐ വൈ എഫ് മലപ്പുറം മണ്ഡലം കമ്മിറ്റിയുടെ പ്രതിഷേധം .റിപ്പബ്ലിക് ദിന പരേഡില്‍ കേരളത്തിന്റെ പ്ലോട്ടില്‍ നിന്ന് ശ്രീനാരായണ ഗുരുവിന്റെ പ്രതിമ നീക്കം ചെയ്യാത്തതിന്റെ പേരില്‍ പ്ലോട്ടിനുള്ള അനുമതി നല്‍കാതെ കേരളത്തെ അവഗണിക്കുകയും ഗുരുവിനെ അപമാനിക്കുകയും ചെയ്ത കേന്ദ്ര സര്‍ക്കാര്‍ നടപടിക്കെതിരെ കേന്ദ്ര സര്‍ക്കാര്‍ സ്ഥാപനങ്ങള്‍ക്ക് മുന്നില്‍ ഗുരുവിന്റെ ഫോട്ടോ പതിച്ച് പ്രതിഷേധിച്ചു.
മലപ്പുറത്ത് ബിഎസ്എന്‍എല്‍ ഓഫീസിന് മുന്നില്‍ മണ്ഡലം സെക്രട്ടറി നാസര്‍ പുല്‍പ്പറ്റ പോസ്റ്റര്‍ പതിച്ചു. ബഷീര്‍ മേല്‍മുറി,ജംഷീര്‍ ബാബു ചെമ്മങ്കടവ് തുടങ്ങിയ നേതാക്കള്‍ നേതൃത്വം നല്‍കി.