ഡിവൈഎഫ്‌ഐ പ്രാദേശിക നേതാവിനെ ട്രെയിന്‍ തട്ടി മരിച്ച നിലയില്‍ കണ്ടെത്തി
താനൂര്‍: ഡിവൈഎഫ്‌ഐ പ്രാദേശിക നേതാവിനെ ട്രെയിന്‍തട്ടി മരിച്ച നിലയില്‍ കണ്ടെത്തി. ഡിവൈഎഫ്‌ഐ കാടാമ്പുഴ മേഖലാ ജോയിന്റ് സെക്രട്ടറി കാടാമ്പുഴ മരുതന്‍ചിറയിലെ കുറുപ്പന്മാരില്‍ സൂര്യനാഥന്റ മകന്‍ ശിവദാസനാണ് (24) മൂച്ചിക്കല്‍ റെയില്‍വേ മേല്‍പ്പാലത്തിന് സമീപം ട്രെയിന്‍ തട്ടി മരിച്ച നിലയില്‍ കണ്ടെത്തിയത്.
കഴിഞ്ഞ ദിവസം പുലര്‍ച്ചെയാണ് റെയില്‍പാതക്കരികില്‍ മരിച്ച നിലയില്‍ കണ്ടത്. മൃതദേഹം തിരൂര്‍ ഗവ.ജില്ലാ ആശുപത്രിയില്‍ പോസ്റ്റ്‌മോര്‍ട്ടം നടത്തി ബന്ധുക്കള്‍ക്ക് വിട്ടുകൊടുത്തു. ഇലക്ട്രീഷ്യനാണ്. മാതാവ്: ലക്ഷ്മി. സഹോദരങ്ങള്‍: സുധീഷ്, സുരേഷ് ബാബു, സുമിത്ത്.