വിജയഭേരി പ്രീ മോഡൽ ചോദ്യപേപ്പറുകൾ പ്രകാശനം ചെയ്തു

മലപ്പുറം: ജില്ലാ പഞ്ചായത്ത് വിജയഭേരി പദ്ധതിയുടെ ഭാഗമായി ഈ വർഷം പത്താം ക്ലാസ് പരീക്ഷ എഴുതുന്ന വിദ്യാർഥികൾക്കായി തയ്യാറാക്കിയ പ്രീ മോഡൽ ചോദ്യപേപ്പറുകളുടെ സമാഹാരം ജില്ലാ പഞ്ചായത്ത് പ്രസിഡൻറ് എം കെ റഫീഖ ഡി ഡി ഇ കുസുമത്തിനു നൽകി പ്രകാശനം ചെയ്തു. മലപ്പുറം ഡയറ്റിൻെറ ആഭിമുഖ്യത്തിലാണ് ചോദ്യപ്പേപ്പറുകൾ തയ്യാറാക്കിയത്.

ആരോഗ്യ വിദ്യാഭ്യാസ സ്ഥിരം സമിതി ചെയർപേഴ്സൺ നസീബ അസീസിന്റെ
അധ്യക്ഷതയിൽ ചേർന്ന യോഗത്തിൽ ജില്ലാ പഞ്ചായത്ത് അംഗങ്ങളായ അഡ്വക്കറ്റ് പി വി മനാഫ്,പി കെ സി അബ്ദുറഹ്മാൻ, വി കെ എം ഷാഫി , ഡയറ്റ് പ്രിൻസിപ്പാൾ ഗോപകുമാർ, ഡിഇഒ ശ്രീമതി വൃന്ദകുമാരി, വിജയഭേരി കോഡിനേറ്റർ ടി. സലിം , ഡയറ്റ് അധ്യാപകരായ സലീമുദ്ദീൻ, നാസർ കിളിയായിൽ എന്നിവർ പങ്കെടുത്തു. തിങ്കളാഴ്ച സ്കൂളുകളിൽ ചോദ്യപേപ്പർ എത്തിക്കും.