മുതിർന്ന മാധ്യമ പ്രവർത്തകൻ അസ്സയിൻ കാരന്തൂർ നിര്യാതനായി

കോഴിക്കോട്:: ‘മാധ്യമം’ മുൻ ഡെപ്യൂട്ടി എഡിറ്ററും മുതിർന്ന മാധ്യമ പ്രവർത്തകനുമായ അസ്സയിൻ കാരന്തൂർ (69) നിര്യാതനായി. കാരന്തൂരിലെ വീടിന് സമീപം വെള്ളിയാഴ്ച രാവിലെ കുഴഞ്ഞുവീണ അദ്ദേഹത്തെ കോഴിക്കോട്ടെ സ്വകാര്യ ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു. ഖബറടക്കം വൈകീട്ട് 7.30 ന് കാരന്തൂർ ജുമാമസ്ജിദിൽ.

1987ൽ ‘മാധ്യമ’ത്തിന്‍റെ തുടക്കം മുതൽ വിവിധ യൂണിറ്റുകളിൽ പ്രവർത്തിച്ച അദ്ദേഹം 2018 മെയ്​ 31 നാണ് വിരമിച്ചത്. കോ​ഴി​ക്കോ​ട്​ മ​ദ​ർ യൂ​നി​റ്റി​ലും ​കൊ​ച്ചി​യി​ലും ന്യൂ​സ്​ എ​ഡി​റ്റ​റാ​യി​രു​ന്നു. ഡെ​പ്യൂ​ട്ടി എ​ഡി​റ്റ​ർ, ലീ​ഡ​ർ പേ​ജ്​ എ​ഡി​റ്റ​ർ, റീ​ഡ​ർ റി​ലേ​ഷ​ൻ​സ്​ എ​ഡി​റ്റ​ർ എ​ന്നീ ചു​മ​ത​ല​ക​ളും വ​ഹി​ച്ചു. ‘മാ​ധ്യ​മ​’ത്തി​െൻറ എ​ഡി​റ്റോ​റി​യ​ൽ വി​ഭാ​ഗം കെ​ട്ടി​പ്പ​ടു​ക്കു​ന്ന​തി​ൽ സു​പ്ര​ധാ​ന പ​ങ്കു​വ​ഹി​ച്ചിട്ടുണ്ട്.

പരേതനായ പാറപ്പുറത്ത് അവറാന്‍കോയ ഹാജിയുടെ മകനാണ്.

ഭാ​ര്യ: ശ​രീ​ഫ. മ​ക്ക​ൾ: മു​ഹ​മ്മ​ദ്​ തൗ​സീ​ഫ്, ആ​യി​ശ സ​ന, ലിം​ത ഫാ​ത്തി​മ. മരുമകൻ: മോനിഷ് അലി.

സഹോദരങ്ങള്‍: പ്രൊഫ. പി. കോയ, സി പി മുഹമ്മദ് കോയ(ദുബൈ), പി ആലിക്കോയ, ഡോ. അബ്ദുല്‍ അസീസ് (കോയമ്പത്തൂര്‍), പി ഹബീബ് (ദുബൈ).