ജോയിന്റ് കൗണ്‍സില്‍ ഐക്യദാര്‍ഢ്യ സദസ്സ് നടത്തി
മലപ്പുറം: ജോയിന്റ് കൗണ്‍സില്‍ സംസ്ഥാന കമ്മിറ്റിയുടെ ആഹ്വാന പ്രകാരം രാജ്യത്തിന്റെ അടിസ്ഥാനസൗകര്യങ്ങളില്‍ ഏറ്റവും പ്രധാനപ്പെട്ട പൊതുഗതാഗതം സംരക്ഷിക്കുക, കെ എസ് ആര്‍ ടി സി ജീവനക്കാര്‍ക്ക് യഥാസമയം ശമ്പളം നല്‍കുക എന്നീ ആവശ്യങ്ങളുന്നയിച്ച് ജോയിന്റ് കൗണ്‍സില്‍ മലപ്പുറം മേഖലയുടെ ആഭിമുഖ്യത്തില്‍ മലപ്പുറം സിവില്‍ സ്റ്റേഷന് മുന്നില്‍ ഐക്യദാര്‍ഢ്യ സദസ്സ് സംഘടിപ്പിച്ചു. ജില്ലാ സെക്രട്ടറി കെ സി സുരേഷ് ബാബു ഉദ്ഘാടനം ചെയ്തു.
മേഖലാ പ്രസിഡന്റ് ടി സീമ അധ്യക്ഷത വഹിച്ചു. സംസ്ഥാന കൗണ്‍സില്‍ അംഗം ടി പി സജീഷ്, ജില്ലാ ജോ. സെക്രട്ടറി ജിസ്‌മോന്‍ പി വര്‍ഗ്ഗീസ് എന്നിവര്‍ പ്രസംഗിച്ചു. സംസ്ഥാന കൗണ്‍സില്‍ അംഗം കവിത സദന്‍ പ്രതിജ്ഞ ചൊല്ലിക്കൊടുത്തു. മേഖലാ സെക്രട്ടറി കെ ശിവാനന്ദന്‍ സ്വാഗതവും മേഖലാ ജോ. സെക്രട്ടറി സി എസ് ശാരിക നന്ദിയും പറഞ്ഞു.