റോഡ് സുരക്ഷാദിനം ആചരിച്ചു
മലപ്പുറം: റോഡ് ആക്‌സിഡന്റ് ആക്ഷന്‍ ഫോറം മലപ്പുറം മേഖലാ കമ്മിറ്റിയുടെ നേതൃത്വത്തില്‍ വിദ്യാലയങ്ങള്‍ കേന്ദ്രീകരിച്ച് നൂറുകണക്കിന് റോഡ് സുരക്ഷ ലഘുലേഖകള്‍ വിതരണം ചെയ്തു. ഇതോടനുബന്ധിച്ച് എം എസ് പി ഇംഗ്ലീഷ് മീഡിയം ഹൈസ്‌കൂളില്‍ നടന്ന ബോധവല്‍ക്കരണ ക്ലാസ് ട്രാഫിക്ക് സബ് ഇന്‍സ്‌പെക്ടര്‍ ലത്തീഫ് പി ഉദ്ഘാടനം ചെയ്തു .
റാഫ് മലപ്പുറം ജില്ലാ ജനറല്‍ സെക്രട്ടറി നൗഷാദ് മാമ്പ്ര അധ്യക്ഷത വഹിച്ചു. ജില്ലാ ജോ. സെക്രട്ടറി എ കെ ജയന്‍ മുഖ്യ പ്രഭാഷണം നടത്തി. മേഖലാ സെക്രട്ടറി മനാഫ് ആനപ്പടിക്കല്‍ സ്വാഗതവും വനിതാ മേഖലാ പ്രസിഡന്റ് ജുബിന സാദത്ത് നന്ദിയും പറഞ്ഞു. പ്രധാനാധ്യാപിക അനിത ടി ജി, പിടിഎ പ്രസിഡന്റ് കെ പ്രസാദ്, റാഫ് ഭാരവാഹികളായ നൗഫല്‍ വരിക്കോടന്‍, അബ്ബാസ് മങ്കട, വിശാലാക്ഷി എന്നിവര്‍ പങ്കെടുത്തു