പരിസ്ഥിതി സംരക്ഷണ ക്യാമ്പയിന്‍ സംഘടിപ്പിച്ചു
മലപ്പുറം: ലോക പരിസ്ഥിതി ദിനാചരണത്തിന്റെ ഭാഗമായി മനുഷ്യാവകാശ പരിസ്ഥിതി സംരക്ഷണ ഫോറം (എച്ച് ആര്‍ എസ് സി എഫ്) സംസ്ഥാന കമ്മിറ്റിയുടെ ആഭിമുഖ്യത്തില്‍ ജീവന്റെ തുടിപ്പ് പരിസ്ഥിതി സംരക്ഷണത്തിലൂടെ എന്ന സന്ദേശവുമായി പരിസ്ഥിതി സംരക്ഷണ ക്യാമ്പയിന്‍ സംഘടിപ്പിച്ചു. പരിപാടിയുടെ ഉദ്ഘാടനം മലപ്പുറം മുണ്ടുപറമ്പ് കാവുങ്ങല്‍ ബൈപാസ് പാതയോരത്ത് എച്ച്.ആര്‍.എസ്.ഇഎഫ് സംസ്ഥാന ജനറല്‍ സെക്രട്ടറി കെ വാസുദേവന്‍ വൃക്ഷതൈ നട്ട് ഉദ്ഘാടനം ചെയ്തു.
സംസ്ഥാന കോ ഓഡിനേറ്റര്‍ സജി ഫിലിപ്പ്, സംസ്ഥാന വൈസ് പ്രസിഡന്റ് റസാഖ് മമ്പാട്, ജില്ല ജനറല്‍ സെക്രട്ടറി കെ.പി. അനസ്, ജില്ല വൈസ് പ്രസിഡന്റ് ഗഫൂര്‍ താനൂര്‍ പി.മുഹമ്മദലി എന്നിവര്‍ സംസാരിച്ചു.