പരിസ്ഥിതി സംരക്ഷണം വിശ്വാസിയുടെ കടമ – പാണക്കാട് സയ്യിദ് അബ്ബാസലി ശിഹാബ് തങ്ങള്‍
മലപ്പുറം: പരിസ്ഥിതി സംരക്ഷണം വിശ്വാസിയുടെ കടമയാണെന്നും മറ്റ് ആരാധന കര്‍മ്മങ്ങള്‍ നിര്‍വ്വഹിക്കുന്നതോടൊപ്പം പ്രകൃതി സംരക്ഷണ പ്രവര്‍ത്തനവും ഒരു ജീവകാരുണ്യ പ്രവര്‍ത്തനമാണെന്ന് മുസ്ലീം ലീഗ് മലപ്പുറം ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍ പറഞ്ഞു. പരിസ്ഥിതി ദിനത്തോട് അനുബന്ധിച്ച് മുസ്ലീം ലീഗ് പരിസ്ഥിതി സംരക്ഷണ സമിതിയുടെ വൃക്ഷത്തൈ നടീലിന്റെ സംസ്ഥാനതല ഉദ്ഘാടനം നിര്‍വ്വഹിച്ച് സംസാരിക്കുകയായിരുന്നു അദ്ദേഹം.
മുഴുവന്‍ പ്രവര്‍ത്തകരും പോഷക സംഘടനകളും പരിസ്ഥിതി സംരക്ഷണ പ്രവര്‍ത്തനങ്ങള്‍ക്ക് മുന്നിട്ടിറങ്ങണമെന്നും അത് ജൂണ്‍ 5 ന് മാത്രം നിര്‍വ്വഹിക്കേണ്ട ഒന്നായി കാണരുതെന്നും അദ്ദേഹം പറഞ്ഞു.
പരിസ്ഥിതി സംരക്ഷണ സമിതി ചെയര്‍മാന്‍ കുട്ടി അഹമ്മദ് കുട്ടി , കണ്‍വീനര്‍ സലീം കുരുവമ്പലം , ജില്ലാ മുസ്ലീം ലീഗ് സെക്രട്ടറി ഉമ്മര്‍ അറക്കല്‍,കാരി അലവി ഹാജി, പി. കെ. ബാവ, ചെമ്മുക്കന്‍ യാഹു മോന്‍,എം പി മുഹമ്മദ്, കെ എം സുബൈര്‍, അസീസ് പഞ്ചിളി, സലാം കറുമണ്ണില്‍, കെ എന്‍ ഷാനവാസ്, ഉമ്മര്‍ പറവത്ത്, യാഹു എന്നിവര്‍ പ്രസംഗിച്ചു.