ഷാജ് കിരൺ സംസാരിച്ചതിന്റെ ശബ്ദ സന്ദേശം പുറത്തുവിട്ട് സ്വപ്ന സുരേഷ്.

പാലക്കാട്: സ്വർണക്കടത്തുകേസിൽ മുഖ്യമന്ത്രിക്ക് വേണ്ടി തന്നെ സമീപിച്ച ഷാജ് കിരൺ സംസാരിച്ചതിന്റെ ശബ്ദ സന്ദേശം പുറത്തുവിട്ട് സ്വപ്ന സുരേഷ്. പാലക്കാട് തന്റെ ഫ്ളാറ്റിൽ വാർത്താസമ്മേളനം നടത്തിയാണ് ഷാജി കിരണുമായുള്ള സംഭാഷണത്തിന്റെ ശബ്ദരേഖ സ്വപ്ന പുറത്തുവിട്ടത്. ഒന്നര മണിക്കൂർ ദൈർഘ്യമുള്ളതാണ് ശബ്ദരേഖ.

മുഖ്യമന്ത്രിക്കുവേണ്ടി ഷാജ് കിരൺ എന്നയാൾ തന്നെ ഭീഷണിപ്പെടുത്തിയെന്നാണ് സ്വപ്ന ആരോപിക്കുന്നത്. അയാൾക്ക് മുഖ്യമന്ത്രിയുമായി ബന്ധമുണ്ടെന്നും സ്വപ്ന പറഞ്ഞിരുന്നു. ഇതിനുപിന്നാലെ ഇക്കാര്യങ്ങൾ നിഷേധിച്ച് ഷാജ് കിരൺ രംഗത്ത് എത്തിയിരുന്നു.