വാഹനാപകടത്തില്‍ യുവാവിന് ദാരുണാന്ത്യം
മലപ്പുറം: കുറ്റിപ്പുറം ഹൈവേ ജംഗ്ഷനിലുണ്ടായ വാഹനാപകടത്തില്‍ വെങ്ങാട് സ്വദേശിയായ 19കാരന് ദാരുണാന്ത്യം. കെഎസ്ആര്‍ടിസി ബസിലിടിച്ച് തെറിച്ചുവീണ ബൈക്ക് യാത്രികനായ സൈദ് മുഹമ്മദാണ് മരിച്ചത്. കൂടെയുണ്ടായിരുന്ന സുഹൃത്തിനെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചു.
വെള്ളിയാഴ്ച പുലര്‍ച്ചെ 1.30 ഓടെയാണ് അപകടമുണ്ടായത്. ബൈക്കില്‍ യാത്രചെയ്യുകയായിരുന്ന വെങ്ങാട് സ്വദേശി സൈദ് മുഹമ്മദും സുഹൃത്തും സഞ്ചരിച്ചിരുന്ന ബൈക്ക് തൃശൂര്‍ ഭാഗത്തേക്ക് പോകുകയായിരുന്ന കെഎസ്ആര്‍ടിസി ബസില്‍ ഇടിക്കുകയായിരുന്നു. ഇടിയുടെ ആഘാതത്തില്‍ പിന്‍സീറ്റിലിരുന്ന സൈദ് മുഹമ്മദ് തെറിച്ച് വീണ് തൊട്ടടുത്ത സ്വകാര്യ ബസിനടിയില്‍പ്പെടുകയായിരുന്നു. തുടർന്ന് അപകടം ശ്രദ്ധയിൽപ്പെട്ട ദൃക്സാക്ഷികൾ ഉടൻതന്നെ സമീപത്തെ ആശുപത്രിയിൽ എത്തിക്കുകയായിരുന്നു.