സന്ദേശ ജാഥകള്‍ വിജയിപ്പിക്കുക;ഗുഡ്‌സ് ട്രാന്‍സ്‌പോര്‍ട്ട് വര്‍ക്കേഴ്‌സ് ഫെഡറേഷന്‍
മലപ്പുറം; ജൂലായ് 2, 3, തിയ്യതികളില്‍ ആലപ്പുഴയില്‍ നടക്കുന്ന കേരള സ്‌റ്റേറ്റ് ഗുഡ്‌സ് ട്രാന്‍സ്‌പോര്‍ട്ട് വര്‍ക്കേഴ്‌സ് ഫെഡറേഷന്‍ (സി ഐ ടി യു)
സംസ്ഥാന സമ്മേളനത്തിന്റെ ഭാഗമായി ജില്ലയില്‍ രണ്ട് സന്ദേശ ജാഥകള്‍ പര്യടനം നടത്തും.
ജില്ലാ പ്രസിഡന്റ് അഡ്വ പി.ഹംസക്കുട്ടി നേതൃത്വം കൊടുക്കുന്ന ജാഥയും ജില്ലാ ജനറല്‍ സെക്രട്ടി കെ.ഗോവിന്ദന്‍ കുട്ടി നേതൃത്വം നലല്‍കുന്ന ജാഥയും ജൂണ്‍ 30 ന് വ്യാഴാഴ്ച രാവിലെ 9 മണിക്ക് ചേളാരിയില്‍ നിന്നാരംഭിക്കും. ഹംസക്കുട്ടി നയിക്കുന്ന ജാഥ വൈകുന്നേരം 3മണിക്ക് അങ്ങാടിപ്പുറത്തും ഗോവിന്ദന്‍ കുട്ടി നയിക്കുന്ന ജാഥ മൂന്ന് മണിക്ക് നിലമ്പൂരും സമാപിക്കും.ജാഥകള്‍ വിജയിപ്പിക്കാന്‍ ഫെഡറേഷന്‍ ജില്ലാ കമ്മറ്റിയോഗം തൊഴിലാളികളോട് അഭ്യര്‍ത്ഥിച്ചു.