പ്രതിഷേധ ധര്‍ണ്ണ നടത്തി
മലപ്പുറം: നിലമ്പൂര്‍ തൊണ്ടി വളവ് സപ്ലൈകോ ഗോഡൗണില്‍ 20 വര്‍ഷമായി ജോലി ചെയ്തുവരുന്ന് പതിനേഴ് ഡ്രൈവര്‍മാര്‍ക്ക് ജോലി നിഷേധിച്ച നടപടിയില്‍ പ്രതിഷേധിച്ച് തൊഴിലാളികള്‍ ഗോഡൗണിന് മുന്നില്‍ സംയുക്ത പ്രതിഷേധ ധര്‍ണ്ണ നടത്തി.
ജില്ലാ ഗുഡ്‌സ് ട്രാന്‍സ്‌പോര്‍ട്ട് വര്‍ക്കേഴ്‌സ് യൂണിയന്‍ (സി ഐ ടി യു) ജില്ലാ ജനറല്‍ സെക്രട്ടറി കെ ഗോവിന്ദന്‍ കുട്ടി ധര്‍ണ്ണ ഉദ്ഘാടനം ചെയ്തു. എം കെ ചന്ദ്രന്‍, എ ആര്‍ രതീഷ് (സി ഐ ടി യു) , എ അഭിലാഷ് (ഐ എന്‍ ടി യു സി ), കെ രൂപേഷ് (എ ഐ ടി യു സി) എന്നിവര്‍ സംസാരിച്ചു. കുറഞ്ഞ തുകക്ക് കരാറെടുത്ത വ്യക്തി പത്തോളം ഡ്രൈവര്‍മാരെ എത്തിച്ച് റേഷന്‍ വിതരണ രംഗത്ത് പ്രതിസന്ധി സൃഷ്ടിക്കാന്‍ ശ്രമിക്കുന്നതായി തൊഴിലാളികള്‍ ആരോപിച്ചു.