സംസ്ഥാന തല ഖുര്‍ ആന്‍ മനഃപാഠ മത്സരം നാളെ
മലപ്പുറം; കുവൈറ്റില്‍ ഖുര്‍ ആന്‍ ഹദീസ് പഠന രംഗത്ത് വര്‍ഷങ്ങളായി പ്രവര്‍ത്തിച്ച് വരുന്ന രിയീദുസ്സാലിഹിന്‍ ഫാമിലി ഗ്രൂപ്പ് സംസ്ഥാന തല ഖുര്‍ ആന്‍ മനഃപാഠ മത്സരം സംഘടിപ്പിക്കുന്നു.നാളെ (ജൂലായ് 30 ന് )രാവിെല 9 ണിക്ക് കോട്ടക്കല്‍ പുതുപ്പറമ്പ് ഇല്ലിക്കല്‍ ഓഡിറ്റോറിയത്തില്‍ മുനവ്വറലി ശിഹാബ് തങ്ങള്‍ ഉദ്ഘാടനം ചെയ്യും. സമാപന സമ്മേളനവൈകുന്നേരം 4.45 ന് ഉദ്ഘാടനം സാദിഖലി ശിഹാബ് തങ്ങള്‍ നിര്‍വഹിക്കും. പ്രൊഫസര്‍ ആലിക്കുട്ടി മുസ്ലിയാര്‍,ബഹാവുദ്ദീന്‍ നദ്‌വി തുടങ്ങി സമുന്നതരായ നേതാക്കള്‍ ചടങ്ങില്‍ പങ്കെടുക്കും. സംസ്ഥാനത്തിന്റെ വിവിധ ഭാഗങ്ങളില്‍നിന്നായി പങ്കെടുത്ത 1200കുട്ടികളില്‍ നിന്ന് തെരഞ്ഞടുത്ത 39 പേരുടെ ഫൈനല്‍ മത്സരമാണ് ഇവിടെ നടക്കുക. 15 വയസ്സില്‍ താഴെയുള്ള കുട്ടികളെ വയസ്സിന്റെ അടിസ്ഥാനത്തില്‍ മൂന്ന് വിഭാഗമാക്കി തിരിച്ച് 1,2,3 സ്ഥാനങ്ങളിലെത്തുന്നവര്‍ക്ക് യഥാക്രമം 25000,20000,15000 എന്നിങ്ങനെ ക്യാഷ് പ്രൈസ് നല്‍കുമെന്ന് പ്രൊഗ്രാം കണ്‍വീനര്‍ കൊളമ്പില്‍ അബ്ദുറഹീം,മുഹമ്മദ് അബദുറഹ്മാന്‍ ചെറുകാട്,മുസ്തഫ കറുമണ്ണില്‍,ടി പി അഷറഫലി എന്നിവര്‍ മലപ്പുറത്ത് വാര്‍ത്താ സമ്മേളനത്തില്‍ അറിയിച്ചു.
