മുസ്ലീം ലീഗ് മലപ്പുറം നിയോജക മണ്ഡലം കമ്മിറ്റി പൂക്കോട്ടൂരില്‍ സ്വാതന്ത്ര്യദിന റാലിയും പൊതു സമ്മേളനവും നടത്തി
മലപ്പുറം: സ്വാതന്ത്ര ഇന്ത്യയുടെ പ്ലാറ്റിനം ജൂബിലി പ്രമാണിച്ച് മുസ്ലീം ലീഗ് മലപ്പുറം നിയോജക മണ്ഡലം കമ്മിറ്റിയുടെ നേതൃത്വത്തില്‍ ഹിന്ദുസ്ഥാന്‍ ഹമാരാഹേ പ്രമേയവുമായി പൂക്കോട്ടൂര്‍ പിലാക്കലില്‍ സ്വാതന്ത്ര്യ സമര സേനാനികളുടെ കബറിടത്തില്‍ പ്രത്യേക പ്രാര്‍ത്ഥന നടത്തി ആരംഭിച്ച സ്വാതന്ത്ര്യദിന റാലി അറവങ്കര പൂക്കോട്ടൂര്‍ യുദ്ധസ്മാരക ഗേറ്റിന് സമീപം സമാപിച്ചു. റാലിയില്‍ പഞ്ചായത്തുകളില്‍ നിന്നും 75 പേരും, മുനിസിപ്പാലിറ്റിയില്‍ നിന്നും 150 പേരും ദേശീയ പതാകകളുമായി പ്രത്യേക ബാനറുകള്‍ക്ക് കീഴില്‍ അണിനിരന്നു. നിയോജക മണ്ഡലം മുസ്ലീം ലീഗ് ഭാരവാഹികളും പോഷക ഘടകങ്ങളുടെ നിയോജക മണ്ഡലം ഭാരവാഹികളും നേതാക്കളും നേതൃത്വം നല്‍കി.
തുടര്‍ന്നു ചേര്‍ന്ന പൊതുയോഗം മുസ്ലീം ലീഗ് ദേശീയ ജനറല്‍ സെക്രട്ടറി പി. കെ കുഞ്ഞാലിക്കുട്ടി എം എല്‍ എ ഉദ്ഘാടനം ചെയ്തു. മുസ്ലീം ലീഗ് മലപ്പുറം നിയോജക മണ്ഡലം കമ്മിറ്റി വര്‍ക്കിംഗ് പ്രസിഡന്റ് പി. ബീരാന്‍കുട്ടി ഹാജി അധ്യക്ഷത വഹിച്ചു. പി. ഉബൈദുള്ള എം എല്‍ എ, ടി വി ഇബ്രാഹിം എം എല്‍ എ, മുസ്ലീം ലീഗ് ജില്ലാ വൈസ് പ്രസിഡന്റ് കെ. മുഹമ്മദുണ്ണി ഹാജി പ്രസംഗിച്ചു. മുസ്ലീം ലീഗ് ജില്ലാ സെക്രട്ടറി നൗഷാദ് മണ്ണിശ്ശേരി സ്വാതന്ത്ര്യദിന പ്രതിജ്ഞ ചൊല്ലിക്കൊടുത്തു. ഉസ്മാന്‍ താമരത്ത് സ്വാതന്ത്ര്യദിന പ്രഭാഷണം നടത്തി. ബാവ വിസപ്പടി, വി. മുസ്തഫ, ടി സെയ്താലി മൗലവി, എന്‍. മുഹമ്മദ്, പി. എ സലാം, ബി. ബാബു മാസ്റ്റര്‍, ഫാരിസ് പൂക്കോട്ടൂര്‍, എ പി ഷെരീഫ്, ഷാഫി കാടേങ്ങല്‍ ആശംസാ പ്രസംഗങ്ങള്‍ നടത്തി.
മന്നയില്‍ അബൂബക്കര്‍ , ഒ പി കുഞ്ഞാപ്പു ഹാജി, കെ മന്‍സൂര്‍ എന്ന കുഞ്ഞിപ്പു, സി കെ മുഹമ്മദ്, പാലപ്ര മുഹമ്മദ് മാസ്റ്റര്‍, വി. മുഹമ്മദ് കുട്ടി, കെ എന്‍ എ ഹമീദ് മാസ്റ്റര്‍, സി ടി നൗഷാദ്, കെ വി മുഹമ്മദലി, പി ടി അബ്ബാസ്, ഹാരിസ് ആമിയന്‍, അഡ്വ. കാരാട്ട് അബ്ദുറഹിമാന്‍, കെ ഇസ്മായില്‍ മാസ്റ്റര്‍, പി. സി അബ്ദുറഹിമാന്‍, പ്രകാശന്‍ നീണ്ടാരത്തില്‍, അഖില്‍ ആനക്കയം, അഡ്വ. ജസീല്‍ പറമ്പന്‍, ടി മൂസ്സ ഹാജി, എം എം യൂസഫ്, കെ സി ശിഹാബ്, പിപി മൊയ്തീന്‍ കുട്ടി, സി എച്ച് യൂസഫ്, കെ ടി ഹംസ, ഗോപാലന്‍ പനക്കല്‍ നേതൃത്വം നല്‍കി.
പിലാക്കലില്‍ സ്വാതന്ത്ര്യ സമര സേനാനികളുടെ കബറിടത്തില്‍ നടന്ന പ്രാര്‍ത്ഥനക്ക് ഹസ്സന്‍ സഖാഫി പൂക്കോട്ടൂര്‍ നേതൃത്വം നല്‍കി. മേല്‍മുറി അധികാരിത്തൊടിയിലെ സ്വാതന്ത്ര്യ സമര സേനാനികളുടെ കബറിടത്തില്‍ നഗരസഭ ചെയര്‍മാന്‍ , മണ്ഡലം, മുനിസിപ്പല്‍, വാര്‍ഡ് മുസ്ലീം ലീഗ് കമ്മിറ്റികളുടെ നേതൃത്വത്തില്‍ പ്രത്യേക പ്രാര്‍ത്ഥന നടത്തി.
രാവിലെ മണ്ഡലത്തിലെ എല്ലാ യൂണിറ്റുകളിലും ദേശീയപതാകകള്‍ ഉയര്‍ത്തി. തുടര്‍ന്ന് സ്വാതന്ത്ര്യ സമര സേനാനികളുടെ അന്ത്യ വിശ്രമ സ്ഥലങ്ങളിലും വീടുകളിലും മുസ്ലീം ലീഗ് പ്രവര്‍ത്തകര്‍ സന്ദര്‍ശിച്ചു.
പടം……..മുസ്ലീം ലീഗ് മലപ്പുറം നിയോജക മണ്ഡലം കമ്മിറ്റി പൂക്കോട്ടൂരില്‍ നടത്തിയ സ്വാതന്ത്ര്യദിന റാലി പി കെ കുഞ്ഞാലിക്കുട്ടി ഉദ്ഘാടനം ചെയ്യുന്നു
പടം……