തിരൂർ കുറ്റിപ്പുറം റോഡിൽ കാറും ബൈക്കും കൂട്ടി ഇടിച്ച് ബൈക്ക് യാത്രക്കാരൻ മരണപ്പെട്ടു
കുറ്റിപ്പുറം: കാറും ബൈക്കും കൂട്ടി ഇടിച്ച് ബൈക്ക് യാത്രക്കാരൻ മരണപ്പെട്ടു. കൂടെ ഉണ്ടായിരുന്ന സ്ത്രീക്ക് പരിക്ക് മലപ്പുറം കുറ്റിപ്പുറം തിരൂർ റോഡിൽ മഞ്ചാടിയിൽ വെച്ച് നിയന്ത്രണം വിട്ട ഇന്നോവ കാർ ബൈക്ക് യാത്രക്കാരെ ഇടിക്കുകയായിരുന്നു ഇടിയുടെ ആഘാതത്തിൽ തെറിച്ചു വീണ ബൈക്ക് യാത്രക്കാരൻ മരണപ്പെടുകയും കൂടെയുണ്ടായിരുന്ന സ്ത്രീക്ക് ഗുരുതരമായി പരിക്കേൽക്കുകയും ചെയ്തു പരിക്കേറ്റ സ്ത്രീയെ കോട്ടക്കലിലെ സ്വകാര്യ ആശുപത്രിയിൽ പ്രവേശിപ്പിച്ചു
പുത്തനത്താണി കരിങ്കപ്പാറ കുന്നത്തോടത്ത് അബ്ദുള്‍ ഖാദര്‍ (48) ആണ് മരിച്ചത്. ഭാര്യ റുഖിയയെ (40) കോട്ടക്കലിലെ സ്വകാര്യ ആശുപത്രിയില്‍ പ്രവേശിപ്പിച്ചു. എതിരെ വന്ന ഇന്നോവ കാര്‍ മറ്റൊരു വാഹനത്തെ മറികടക്കാന്‍ ശ്രമിക്കുന്നതിനിടേയാണ് സ്ക്കൂട്ടറില്‍ ഇടിച്ചു കയറിയതെന്നാണ് ദൃക്സാക്ഷികള്‍ പറയുന്നത്. ഇന്നോവ കാര്‍ സ്കുട്ടറിടിപ്പിച്ച് തെറിപ്പിച്ച ശേഷം ചെങ്കല്ല് മതില്‍ ഇടിച്ചു തകര്‍ത്തതിനു ശേഷം 100 മീറ്റോളം നീങ്ങി തലകീഴായി മറിഞ്ഞതിനു ശേഷം മറ്റൊരു മതിലില്‍ ഇടിച്ചാണ് നിന്നത്. ഇന്നോവയിലെ യാത്രികരായ ദമ്പതികള്‍ക്ക്‌ നിസാര പരിക്കുണ്ട്.
അബ്ദുള്‍ഖാദറിന്റെ മൃതദേഹം തിരൂര്‍ ജില്ലാ ആശുപത്രിയില്‍ പോസ്റ്റ്മോര്‍ട്ടം നടത്തിയതിനു ശേഷം കരിങ്കപ്പാറ ജുമാമസ്ജിദ് ഖബര്‍സ്ഥാനില്‍ ഖബറടക്കം നടക്കും. മക്കൾ. ഫാത്തിമ ജുമൈലത്ത്, മുഹമ്മദ് ജിനാന്‍.