മലയാളി മജിഷ്യന്‍സ് അസോസിയേഷന്‍ മലപ്പുറം ജില്ലാ കുടുംബ സംഗമം നടന്നു
മലപ്പുറം: മലയാളി മജിഷ്യന്‍സ് അസോസിയേഷന്‍ (എം എം എ ) മലപ്പുറം ജില്ലാ കുടുംബ സംഗമം മലപ്പുറം കെമിസ്റ്റ് ഭവനില്‍ വെച്ച് നടന്നു. പി ഉബൈദുള്ള എം എല്‍ എ മാജിക്കിലൂടെ സംഗമം ഉദ്ഘാടനം ചെയ്തു. എം എം എ പ്രസിഡന്റ് സുള്‍ഫി മുത്തങ്ങോട് അധ്യക്ഷത വഹിച്ചു.
ഇസ്ഹാഖ് പോരൂര്‍ സ്വാഗതം പറഞ്ഞു. ജില്ലാ രക്ഷാധികാരി നിലമ്പൂര്‍ പ്രദീപ് കുമാര്‍, ട്രഷറര്‍ പ്രജിത്ത് മുല്ലക്കല്‍ , സംസ്ഥാന സെക്രട്ടറി നൗഷാദ് രാമനാട്ടുകര, സംസ്ഥാന കമ്മിറ്റി അംഗം ലത്തീഫ് കോട്ടക്കല്‍, ശശി താഴത്തുവയല്‍, ജോയ് തെങ്ങുംതറയില്‍ , മലയില്‍ ഹംസ, എം എം പുതിയത്ത് എടവണ്ണ, ഷംസു പാണായി, മനോജ് പി പി എന്നിവര്‍ പ്രസംഗിച്ചു. സംസ്ഥാന പ്രസിഡന്റായി തെരഞ്ഞെടുത്ത ഇസ്ഹാഖ് പോരൂരിനെ എം എല്‍ എ പൊന്നാട അണിയിച്ച് ആദരിച്ചു. മലപ്പുറം ജില്ലാ കമ്മിറ്റി അംഗം വാസുദേവന്‍ വഴുതക്കാടിന് ധനസഹായം കൈമാറി. മാന്ത്രികരുടെ മാന്ത്രിക പ്രകടനങ്ങളും കുടുംബാംഗങ്ങളുടെ വിവിധ കലാപരിപാടികളും അരങ്ങേറി.