നിലമ്പൂരിൽ സുന്നി പള്ളിയിൽ വിഘടിത ആക്രമണം; പരുക്കേറ്റ സുന്നി പ്രവർത്തകരെ ആശുപത്രിയിൽ പ്രവേശിപ്പിച്ചു.

നിലമ്പൂർ: സുന്നി പള്ളിയിൽ വിഘടിത വിഭാഗക്കാരുടെ ആക്രമണത്തിൽ രണ്ട് സുന്നി പ്രവർത്തകർക്ക് പരുക്കേറ്റു. കരുളായി കരിന്താർ സുന്നി മസ്ജിദിൽ ഇന്നലെ മഗ്രിബ് നിസ്കാര ശേഷമാണ് സംഭവം. പരുക്കേറ്റ സുന്നി പ്രവർത്തകരെ നിലമ്പൂർ ജില്ലാ ആശുപത്രിയിൽ പ്രവേശിപ്പിച്ചു.

നിസ്കാര ശേഷം പള്ളിയിൽ ഇരിക്കുകയായിരുന്ന ഇവരെ വിഘടിത ഗൂണ്ടകൾ അക്രമിക്കുകയായിരുന്നു. സുന്നീ പള്ളി കൈയേറാനുള്ള വിഘടിത നീക്കമാണ് സംഭവത്തിന് പിന്നിൽ. അതേസമയം സുന്നീ പളളി പുനർനിർമാണത്തിന് അനുമതി നിഷേധിച്ച പഞ്ചായത്ത് യു ഡി എഫ് ഭരണസമിതിക്കെതിരെ ഇന്ന് കരുളായി പഞ്ചായത്തിലേക്ക് സുന്നീ സംഘടനകൾ മാർച്ച് സംഘടിപ്പിക്കുന്നുണ്ട്.