ഭാരത് ജോഡോ യാത്രയില്‍ ഐ എന്‍ ടി യു സി 3000 പ്രവര്‍ത്തകരെ പങ്കെടുപ്പിക്കും
മലപ്പുറം : ഭാരത് ജോഡോ യാത്രയില്‍ 3000 പ്രവര്‍ത്തകരെ പങ്കെടുപ്പിക്കാന്‍ം ഐ എന്‍ ടി യു സി മലപ്പുറം ജില്ലാ സ്‌പെഷ്യല്‍ കണ്‍വെന്‍ഷന്‍ തീരുമാനിച്ചു. എ പി അനില്‍കുമാര്‍ എം എല്‍ എ ഉദ്ഘാടനം ചെയ്തു. രാജ്യത്തെ ഫാസിസ്റ്റ് ശക്തികളുടെ കൈകളില്‍ നിന്ന് രാജ്യത്തെ മോചിപ്പിക്കുവാനുള്ള യാത്രയാണ് ഭാരത് ജോഡോ യാത്രയെന്നും ജനാധിപത്യ മതേതരത്വത്തില്‍ വിശ്വസിക്കുന്നവര്‍ എല്ലാവരും രാഹുല്‍ ഗാന്ധി നയിക്കുന്ന യാത്രയില്‍ പങ്കാളികളാകണമെന്നും അനില്‍കുമാര്‍ തുടര്‍ന്നു പറഞ്ഞു.
ജില്ലാ പ്രസിഡന്റ് വി പി ഫിറോസ് അധ്യക്ഷത വഹിച്ചു. ജില്ലാ കോണ്‍ഗ്രസ് കമ്മിറ്റി പ്രസിഡന്റ് വി എസ് ജോയ് , ഇ മുഹമ്മദ് കുഞ്ഞി, അസീസ് ചീരാന്തൊടി, സക്കീര്‍ പുല്ലാര, സുബൈര്‍ പാച്ചീരി, ജയന്‍ അറക്കല്‍, അറക്കല്‍ കൃഷ്ണന്‍, മുഹമ്മദ് ഷാ ഹാജി , ഹസ്സന്‍ പുല്ലങ്കോട് സംസാരിച്ചു.