തെരുവുനായ്ക്കൾ വളഞ്ഞിട്ട് ആക്രമിച്ചു; പൊന്നാനിയിൽ 75കാരന് പരുക്ക്

മലപ്പുറം: തെരുവുനായയുടെ ആക്രമണത്തിൽ പൊന്നാനി മാറഞ്ചേരി മുളമുക്കിൽ ഒരാൾക്ക് പരുക്ക്. ആലിൻ ചുവട് വെള്ളക്കറുകത്തറ അപ്പുകുട്ടനാണ് (75) വീട്ടുമുറ്റത്ത് നിൽക്കുന്നതിനിടെ തെരുവു നായയുടെ കടിയേറ്റത്.

ബുധനാഴ്ച വൈകുന്നേരം നാല് മണിക്കാണ് നായ്ക്കൾ കൂട്ടത്തോടെ വരുകയും അപ്പുകുട്ടനെ വളഞ്ഞിട്ട് കടിക്കുകയും ചെയ്തത്. കൈക്ക് പരുക്കേറ്റ് തിരൂർ ജില്ല ആശുപത്രിയിൽ ചികിത്സയിലാണ്.