ലെന്‍സ് ഫെഡ് എഞ്ചിനീയേഴ്‌സ് ദിനം ആചരിച്ചു
മലപ്പുറം: ഡോ: വിശ്വേശരയ്യയുടെ ജന്മദിനമായ സെപ്തംബര്‍ 15 ലെന്‍സ് ഫെഡ് എഞ്ചിനീയേഴ്‌സ് ദിനമായി ആചരിച്ചു.
ഇതിന്റെ ഭാഗമായി ലെന്‍സ് ഫെഡ് ജില്ലാ കമ്മറ്റി മലപ്പുറത്ത് സംഘടിപ്പിച്ച പരിപാടി ജില്ലാ പഞ്ചായത്ത് പ്രസിഡണ്ട് എം.കെ.റഫീക്ക ഉദ്ഘാടനം ചെയ്തു.ജില്ല പ്രസിഡണ്ട് അമീര്‍ പാതാരി അധ്യക്ഷത വഹിച്ചു.
എ ഡി എം മെഹറലി, ജില്ലാ ടൗണ്‍ പ്ലാനര്‍ ഡോ ആര്‍ പ്രദീപ്, എഞ്ചിനീയര്‍ സാദിര്‍, സംസ്ഥാന പി ആര്‍ ഒ ഡോ: യു എ ഷബീര്‍, സലില്‍ കുമാര്‍ പി സി സമീറ പുളിക്കല്‍ എന്നിവര്‍ സംസാരിച്ചു. ആര്‍കിടെക്റ്റ് അര്‍ജുന്‍ നാരായണന്‍, എഞ്ചിനീയര്‍ സലീം എന്നിവര്‍ വിവിധ വിഷയങ്ങള്‍ അവതരിപ്പിച്ചു.വി കെ എ റസാക്ക് സ്വാഗതവും നഫ്‌സല്‍ ബാബു നന്ദിയും പറഞ്ഞു. മലപ്പുറത്ത് സംഘടിപ്പിക്കുന്ന് ബില്‍ഡ് എകസ്‌പോയുടെ ലോഗോയും ചടങ്ങില്‍ പ്രകാശനം ചെയ്തു.