ഒമാനില്‍ വാഹനാപകടത്തില്‍ തിരൂര്‍ സ്വദേശി മരണപ്പെട്ടു.
മലപ്പുറം: ഒമാനിലെ ദാഖിറ ഗവര്‍ണറേറ്റിലെ ഇബ്രിയിലുണ്ടായ വാഹനാപകടത്തില്‍ മലപ്പുറം സ്വദേശി മരിച്ചു. തിരൂര്‍ പച്ചട്ടിരി സ്വദേശി മുസ്തഫ സാബിത് (35) ആണ് മരിച്ചത്. വ്യാഴാഴ്ചയായിരുന്നു സംഭവം. അപകടത്തിന്റെ കൂടുതല്‍ വിവരങ്ങള്‍ ലഭ്യമായിട്ടില്ല.
മെഡിക്കല്‍ റെപ്രസെന്റേറ്റീവായി ജോലി ചെയ്തുവരികയായിരുന്നു. മൃതദേഹം ഇബ്രി ആശുപത്രിയില്‍. നിയമനടപടികള്‍ പുരോഗമിക്കുന്നതായി ഇബ്രി കെഎംസിസി പ്രവര്‍ത്തകര്‍ അറിയിച്ചു. ഭാര്യ: മുബീന. പിതാവ്: കമ്മ്യുപ്പ കിഴക്കംകുന്നത്. മാതാവ്: ഫാത്തിമ മല്ലക്കടവത്ത്.
