തൊഴിലന്വേഷകര്‍ക്കായി ഒക്ടോബർ 30 ന് മെഗാ തൊഴില്‍ മേള
തൊഴിലന്വേഷകര്‍ക്കായി കുടുംബശ്രീ ജില്ലാമിഷനും പെരിന്തല്‍മണ്ണ നഗരസഭയും സംയുക്തമായി മെഗാ ജോബ് മേള സംഘടിപ്പിക്കുന്നു. ഒക്ടോബര്‍ 30 ഞായറാഴ്ച പെരിന്തല്‍മണ്ണ ബോയ്സ് ഹയര്‍ സെക്കന്ററി സ്‌കൂളില്‍ രാവിലെ 9.30 മുതല്‍ വൈകിട്ട് 3 മണിവരെയാണ് മേള. പത്താംക്ലാസ് യോഗ്യത മുതലുള്ള എല്ലാ ഉദ്യോഗാര്‍ത്ഥികള്‍ക്കും മേളയില്‍ പങ്കെടുക്കാം. 35 കമ്പനികള്‍ പങ്കെടുക്കുന്ന മേളയില്‍ 400 ജോലി ഒഴിവുകളാണ് പ്രതീക്ഷിക്കുന്നത്.രജിസ്ട്രേഷന്‍ സൗജന്യമാണ്. സ്പോട്ട് രജിസ്ട്രേഷന്‍ മാത്രമേ ഉണ്ടാകൂ. ഒരു ഉദ്യോഗാര്‍ത്ഥിക്ക് പരമാവധി 3 കമ്പനികളുടെ ഇന്റര്‍വ്യൂ മാത്രമേ അനുവദിക്കുകയുള്ളൂ. ഉദ്യോഗാര്‍ത്ഥികള്‍ ബയോഡാറ്റയുടെ 3 കോപ്പി, വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫക്കറ്റുകളുടെ കോപ്പികള്‍,ജോലി പരിചയം തെളിയിക്കുന്ന സര്‍ട്ടിഫിക്കറ്റുകളുടെ കോപ്പികള്‍,പാസ്പോര്‍ട്ട് സൈസ് ഫോട്ടോ 3 കോപ്പി എന്നിവയുമായി മേളയ്ക്ക് ഹാജരാവണം.