ആറ്റിങ്ങല്‍: സിനിമ തിയറ്ററുകള്‍ കേന്ദ്രീകരിച്ച്‌ മോഷണം നടത്തുന്ന യുവാവ് അറസ്റ്റിലായി. തിയറ്ററുകളില്‍ സിനിമ നടക്കുന്ന സമയം അര്‍ധ നഗ്നനായി മുട്ടലിഴഞ്ഞ് വന്ന് സിനിമ പ്രേക്ഷകരുടെ പണവും വിലപിടിപ്പുള്ള സാധനങ്ങളും കവരുന്ന തമിഴ്നാട് നീലഗിരി നെല്ലാര്‍ കോട്ടയില്‍ കണ്ണച്ചാം പറമ്ബില്‍ വിബിൻ (30) ആണ് അറസ്റ്റിലായത്.
സ്ഥിരമായി തിയറ്ററുകള്‍ കേന്ദ്രീകരിച്ച്‌ ഇയാള്‍ മോഷണം നടത്തിവരികയായിരുന്നു. ആറ്റിങ്ങല്‍ ഡിവൈ.എസ്.പി ജയകുമാര്‍, ഇൻസ്പെക്ടര്‍ മുരളീകൃഷ്ണൻ, എസ്.ഐ ശ്രീകുമാര്‍, സി.പി.ഒ നന്ദു എന്നിവര്‍ ചേര്‍ന്നാണ് പ്രതിയെ അറസ്റ്റ് ചെയ്തത്. കോടതിയില്‍ ഹാജരാക്കി റിമാൻഡ് ചെയ്തു.