കൊച്ചി: ഫുഡ് വ്‌ളോഗര്‍ രാഹുല്‍ എൻ. കുട്ടിയെ മരിച്ച നിലയില്‍ കണ്ടെത്തി. വെള്ളിയാഴ്ച രാത്രി മാടവനയിലെ വീട്ടിലാണ് ഇദ്ദേഹത്തെ മരിച്ച നിലയില്‍ കെണ്ടത്തിയത്.മരണകാരണം വ്യക്തമല്ല. പൊലീസ് അന്വേഷണം തുടങ്ങി. ഭാര്യയും രണ്ട് വയസുള്ള മകനുമുണ്ട്.
ഈറ്റ് കൊച്ചി ഈറ്റ് എന്ന ഫുഡ് പേജ് വിഡിയോകളിലൂടെ സുപരിചിതനായിരുന്നു രാഹുല്‍. കൊച്ചിയിലെ വ്യത്യസ്തമായ ഭക്ഷണങ്ങളും ഹോട്ടലുകളും പരിചയപ്പെടുത്തുന്ന ഓണ്‍ലൈൻ സംഘമാണ് ഈറ്റ് കൊച്ചി ഈറ്റ്. 2015ലാണ് ഈ കൂട്ടായ്മ തുടങ്ങിയത്.
ഫേസ്ബുക്ക് ഫണ്ട് നല്‍കുന്ന ഇന്ത്യയിലെ ആദ്യ കമ്മ്യൂണിറ്റി കൂടിയാണിത്. കമ്മ്യൂണിറ്റിയുടെ പ്രവര്‍ത്തനങ്ങള്‍ക്കായി 50,000 ഡോളറാണ് ഫേസ്ബുക്ക് നല്‍കിയത്. ഇൻസ്റ്റഗ്രാമില്‍ കമ്മ്യൂണിറ്റിക്ക് നാലുലക്ഷത്തിലേറെ ഫോളോവേഴ്സുണ്ട്. വെള്ളിയാഴ്ച രാവിലെ ഇടപ്പള്ളി ഗണപതി ക്ഷേത്രത്തിലെ ഉണ്ണിയപ്പത്തെക്കുറിച്ചുള്ള വീഡിയോ രാഹുല്‍ പങ്കുവച്ചിരുന്നു.