മാന്നാർ: സമൂഹമാധ്യമങ്ങളില്‍ യുവതിയുടെ ചിത്രം മോർഫ് ചെയ്ത് പ്രചരിപ്പിച്ച കേസില്‍ യുവാവ് അറസ്റ്റില്‍. മാവേലിക്കര കണ്ണമംഗലം കടവൂർ വിളയില്‍ കിഴക്കെതില്‍ ജിഷ്ണു (19) ആണ് അറസ്റ്റിലായത്.
ഇൻസ്റ്റാഗ്രാമില്‍ നിന്നാണ് യുവതിയുടെ ചിത്രങ്ങള്‍ യുവാവ് ശേഖരിച്ചത്. ഇവ മോർഫ് ചെയ്ത് നഗ്ന ചിത്രങ്ങളാക്കി യുവതിയുടെ സുഹൃത്തുക്കളുടെ ഫോണിലേക്ക് അയക്കുകയായിരുന്നു.
ഇതോടെ യുവതി മാന്നാർ പൊലീസില്‍ പരാതി നല്‍കുകയായിരുന്നു. പൊലീസ് ഇൻസ്‌പെക്ടർ ജോസ് മാത്യുവിന്റെ നേതൃത്വത്തില്‍ നടത്തിയ അന്വേഷണത്തിലാണ് പ്രതിയെ അറസ്റ്റ് ചെയ്തത്.