പാലക്കാട്: ഓണം സ്പെഷ്യല്‍ ഡ്രൈവിനോടനുബന്ധിച്ച്‌ നടന്ന പരിശോധനയില്‍ കഞ്ചാവുമായി യുവാവും യുവതിയും പിടിയില്‍.പാലക്കാട് പാമ്ബാമ്ബള്ളം ടോള്‍ പ്ലാസക്ക് സമീപം വച്ചാണ് 14.44 കിലോഗ്രാം കഞ്ചാവുമായി രണ്ട് പേരെ എക്സൈസ് അറസ്റ്റ് ചെയ്തത്. മലപ്പുറം സ്വദേശി ആല്‍ബിൻ സൈമണ്‍(24 വയസ്), കോഴിക്കോട് സ്വദേശിനി ഷിഫ ഫൈസല്‍(23 വയസ്) എന്നിവരാണ് പിടിയിലായത്.
പാലക്കാട് എക്സൈസ് എൻഫോഴ്‌സ്‌മെന്റ് സ്‌ക്വാഡിലെ എക്സൈസ് ഇൻസ്‌പെക്ടർ എ.സാദിഖ്‌ ഉം പാർട്ടിയും ഒറ്റപ്പാലം എക്സൈസ് റേഞ്ച് പാർട്ടിയും ചേർന്നാണ് പ്രതികളെ പിടികൂടിയത്. സംശയം തോന്നി നടത്തിയ പരിശോധനയില്‍ ഇവരുടെ ബാഗില്‍ നിന്നും കഞ്ചാവ് പിടിച്ചെടുക്കുകയായിരുന്നു. ഇവരെ ചോദ്യം ചെയ്തുവരികയാണ്. പ്രതികള്‍ക്ക് എവിടെ നിന്നാണ് കഞ്ചാവ് ലഭിച്ചതെന്നും ആരുടെ നിർദ്ദേശപ്രകാരമാണ് കഞ്ചാവ് കേരളത്തിലേക്ക് കടത്തിയതെന്നതടക്കം അന്വേഷിച്ച്‌ വരികയാണെന്ന് എക്സൈസ് സംഘം അറിയിച്ചു.
പരിശോധനയില്‍ പ്രിവന്റീവ് ഓഫീസർ അജിത്ത്, പ്രിവന്റീവ് ഓഫീസർ (ഗ്രേഡ്) യാസർ അറഫത്ത്, സുജീഷ്, പ്രമോദ്.കെ, വനിതാ സിവില്‍ എക്സൈസ് ഓഫീസർമാരായ റജീന, അജിത, എക്സൈസ് ടാസ്ക് ഫോർഴ്സ് ടീം അംഗങ്ങളായ എക്സൈസ് ഇൻസ്‌പെക്ടർ(ഗ്രേഡ്) പ്രേമാനന്ദകുമാർ, അസിസ്റ്റന്റ് എക്സൈസ് ഇൻസ്‌പെക്ടർ(ഗ്രേഡ്) സുദർശനൻ നായർ, വനിതാ സിവില്‍ എക്സൈസ് ഓഫീസർ രഞ്ജിനി പ്രിവന്റീവ് ഓഫീസർ (ഗ്രേഡ്) ദേവകുമാർ, സുരേഷ്.സി, സിവില്‍ എക്സൈസ് ഓഫീസർ ഡ്രൈവർ ലുക്കോസ് എന്നിവർ പങ്കെടുത്തു.