പാലക്കാട്: പുതുശ്ശേരിയില്‍ മെത്താംഫിറ്റമിനുമായി യുവാവിനെ എക്സൈസ് അറസ്റ്റ് ചെയ്തു. കോട്ടയം മാങ്കാവ് സ്വദേശിയായ അർജുൻ ഷിബു (21 വയസ്) ആണ് 57.115 ഗ്രാം മെത്താംഫിറ്റമിനുമായി പിടിയിലായത്.പാലക്കാട് എക്സൈസ് എൻഫോഴ്സ്‌മെൻറ് ആൻ‍ഡ് ആന്റി നാർക്കോട്ടിക് സ്പെഷ്യല്‍ സ്ക്വാഡ് സർക്കിള്‍ ഇൻസ്പെക്ടർ എൻജി അജയകുമാറും പാർട്ടിയും ഹൈവേ പട്രോളിങ് ഡ്യൂട്ടിയിലുണ്ടായിരുന്ന ഒറ്റപ്പാലം എക്സൈസ് റേഞ്ച് പാർട്ടിയും സംയുക്തമായി നടത്തിയ പരിശോധനയിലാണ് എംഡിഎംഎ കണ്ടെത്തിയത്.
സംഘത്തില്‍ ഒറ്റപ്പാലം എക്സൈസ് റേഞ്ച് ഇൻസ്പെക്ടർ വിപിൻദാസ്, പ്രിവന്റീവ് ഓഫീസർ (ഗ്രേഡ്) ദേവകുമാർ, സിവില്‍ എക്സൈസ് ഓഫീസർ ഡ്രൈവർ ലുക്കോസ്, സ്‌ക്വാഡിലെ പ്രിവന്റീവ് ഓഫീസർ യാസർ ആരാഫത്, സിവില്‍ എക്സൈസ് ഓഫീസർ ഷിജു എന്നിവരുമുണ്ടായിരുന്നു.
അതേസമയം, ആലപ്പുഴ മാന്നാറില്‍ ചാരായം വാറ്റി വില്‍പ്പന നടത്തി വന്നയാളെ 100 ലിറ്റർ കോടയും 25 ലിറ്റർ ചാരായവും വാറ്റുപകരണങ്ങളുമായി എക്സൈസ് പിടികൂടി. അമ്ബലപ്പുഴ സ്വദേശിയായ അബ്ദുല്‍ മനാഫാണ് (32) എക്സൈസിന്റെ പിടിയിലായത്. ചെങ്ങന്നൂർ എക്സൈസ് സർക്കിള്‍ ഓഫീസിലെ എക്സൈസ് ഇൻസ്പെക്ടർ കെ ബിജുവിന്റെ നേതൃത്വത്തിലാണ് കേസ് കണ്ടെത്തിയത്.
പരിശോധനയില്‍ അസിസ്റ്റന്റ് എക്സൈസ് ഇൻസ്പെക്ടർ ജോഷി ജോണ്‍, പ്രിവന്റീവ് ഓഫീസർ(ഗ്രേഡ്) ബാബു ഡാനിയല്‍ , പ്രിവന്റീവ് ഓഫീസർമാരായ ആർ.പ്രകാശ്, വി.അരുണ്‍, സിവില്‍ എക്സൈസ് ഓഫീസർമാരായ ശ്രീജിത്ത്, ഗോകുല്‍, വനിതാ സിവില്‍ എക്സൈസ് ഓഫീസർ ഉത്തര നാരായണൻ എന്നിവരും പങ്കെടുത്തു.